ស្ដេចបាល់ទាត់ប្រេស៊ីលដ៏ល្បីល្បាញ លោក Pele បង្ហាញពីការគាំទ្រការសម្រេចចិត្តរបស់ខ្សែប្រយុទ្ធ Diego Costa ដែលជ្រើសរើសលេងឱ្យក្រុមជម្រើសជាតិអេស្ប៉ាញជំនួសមាតុភូមិកំណើតប្រេស៊ីល ដោយហៅការសម្រេចចិត្តនោះថាត្រឹមត្រូវ។
អត្ថបទ៖ ហេតុអ្វី Pele ស្រក់ទឹកភ្នែក ពេលបង្ហាញសៀវភៅ “1283″?
នាឱកាសបង្ហាញវត្តមានក្នុងពិធីមួយក្នុងទីក្រុង Sao Paulo អតីតខ្សែប្រយុទ្ធដែលទាត់បញ្ចូលទីបានច្រើនជាងគេបំផុតលោក (១២៨៣គ្រាប់) បង្ហើរសម្ដីថាអ្វីៗគឺមកពីគ្រូបង្គោលក្រុមជម្រើសជាតិប្រេស៊ីល Luiz Felipe Scolari មិនសូវឱ្យតម្លៃខ្សែប្រយុទ្ធក្លិប Atletico Madrid រូបនេះ។
អត្ថបទ៖ Pele ថា Neymar ល្អជាង Messi ឆ្ងាយ
អត្ថបទ៖ Maradona ឌឺតប Pele ថាលេបថ្នាំច្រឡំ
លោក Pele
បុរសវ័យ៧៣ឆ្នាំបញ្ចេញទស្សនៈថា៖ “ខ្ញុំគិតថាយើងត្រូវគោរពការសម្រេចចិត្តរបស់គេ (Costa)។ គេបានព្យាយាមពន្យល់ថាសមត្ថភាពរបស់គេត្រូវបានគ្រូបង្វឹកក្រុមជម្រើសជាតិប្រេស៊ីលមើលរំលងដោយអន្លើ ហើយហេតុផលនេះញ៉ាំងឱ្យគេសម្រេចចិត្តជ្រើសរើសយកអេស្ប៉ាញជំនួសវិញ។ គេមានសេចក្ដីក្លាហាន ហើយខ្ញុំយល់ពីអ្វីដែលគេធ្វើ”។
អត្ថបទ៖ Diego Costa ពន្យល់មូលហេតុចោលប្រេស៊ីលស្រវាអេស្ប៉ាញ
អតីតកីឡាកររបស់ក្លិប Santos និង New York Cosmos ដែលធ្លាប់ជួយប្រេស៊ីលឈ្នះពាន FIFA World Cup ៣ដងក្នុងឆ្នាំ១៩៥៨,១៩៦២ និង១៩៧០ បន្ថែមថា៖ “ទង្វើនេះបង្ហាញអំពីជាតិនិយម ប៉ុន្តែវាអាស្រ័យលើការយល់ឃើញរបស់អ្នក។ យ៉ាងណាក្ដី គេមានសិទ្ធិជ្រើសរើស។ គេធ្លាប់និយាយហើយថានៅអេស្ប៉ាញគេមានឱកាសច្រើន ហេតុនេះហើយទើបគេពេញចិត្តរស់នៅទីនោះ។ ខ្ញុំរីករាយដែលគេសម្រេចចិត្តត្រូវ ក្រោមហេតុផលថាគ្រូប្រេស៊ីលមើលឃើញខ្សែប្រយុទ្ធដទៃល្អជាង Costa”។
កីឡាករ Diego Costa
ខ្សែប្រយុទ្ធវ័យ២៥ឆ្នាំខាងលើកំពុងនាំមុខគេជាមួយ Cristiano Ronaldo ក្នុងតារាងអ្នកទាត់បញ្ចូលទីច្រើនជាងគេប្រចាំក្របខ័ណ្ឌ La Liga រដូវកាលនេះ ដោយរកបាន១៣គ្រាប់ដូចគ្នា។ កន្លងមក Costa ធ្លាប់លេងឱ្យប្រេស៊ីលបាន២លើកដែរក្នុងការប្រកួតមិត្តភាព ប៉ុន្តែគ្មានឈ្មោះក្នុងបញ្ជីរបស់លោក Scolari សម្រាប់លេងក្នុងពានរង្វាន់ FIFA Confederations Cup ឡើយ។ កីឡាកររូបនេះរស់នៅប្រទេសអេស្ប៉ាញតាំងពីឆ្នាំ២០០៧មកម្ល៉េះ និងទើបទទួលបានសញ្ជាតិអេស្ប៉ាញកាលពីខែកញ្ញាថ្មីៗនេះ៕
0 comments:
Post a Comment