វេទិការចែករំលែកបទពិសោធន៍រៀន Database លើកដំបូង
ការសិក្សារផ្នែក Database ក្នុងមុខជំនាញ IT គឺមូលដ្ឋានដ៏ចាំបាច់មួយ សម្រាប់អ្នកស្រលាញ់ខាងផ្នែក Programming។ ថ្ងៃនេះ nob70 សូមលើកយកវិធី ៥ ចំណុចដែលអ្នករៀន Database លើកដំបូងគួរតែយល់ដឹង។ ចង់ដឹងថា ចំណុចទាំងនោះមានអីខ្លះទេ?
ទី ១ ត្រូវស្គាល់ពី SQL និងមូលដ្ឋានគ្រឹះនៃ Relational Database
បន្ទាប់ពីស្គាល់អ្វីទៅជា Database រួចហើយនោះ អ្វីដែលអ្នកសិក្សារផ្នែកនេះមិនអាចជៀសបាននោះ គឺទម្រង់នៃ SQL ( Structured Query Language ) ។ SQL ប្រើក្នុងទម្រង់ស្ទើរតែដូចគ្នាទាំងអស់ក្នុងផ្នែក Database ដូចជា Oracle, SQL Server, Access ឬក៏ relational databases ផ្សេងៗទៀត។
ទី ២ ត្រូវចេះជ្រើសយក Field មួយណាជា Primary Key
ចំណុចនេះគឺសំខាន់មែនទែន នៅពេលដែលយើងចាប់ផ្ដើមបង្កើត Database អ្វីមួយ។ មិនថា Database ធំឬក៏តូចនោះទេ Primary Key ជាចំណុចមួយដែលយើងត្រូវតែចាំថា Key ដែលយើងបាន ជ្រើសរើសនោះគឺវាមានតែមួយគត់។ ចំណុចនេះមានន័យថា Record ដែលនៅក្នុង Table នោះគឺត្រូវមានតែមួយគត់ ហើយមិនអាចមានតម្លៃស្ទួនគ្នាបានឡើយ។
ទី ៣ Null មិនមែនជា Zero ឬក៏ Empty String នោះទេ
លើកដល់ចំណុច Null អ្នកដែលសិក្សារ Database លើកដំបូង ប្រហែលជាច្រឡំគ្នាបន្តិចជាមួយនឹង Zero ឬក៏ Empty String។ ការពិតនៅ Null គឺមានន័យប្រហាក់ប្រហែលថា ” unknown ”។ ឧទាហរណ៍ថា បុគ្គលិកបញ្ចូលទិន្នន័យម្នាក់បានបញ្ចូលទិន្នន័យអាយុសិស្សថា Null ។ នេះមានន័យថា កូនសិស្សនោះមានអាយុប៉ុន្តែមិនដឹងអាយុប៉ុន្មាន តែវាមានតម្លៃក្នុង Database គ្រាន់តែវាមិនបង្ហាញក្នុង Database។
ទី ៤ រៀន Convert ទិន្នន័យពី Spreadsheets ទៅ Database
ប្រសិនបើអ្នកមានទិន្នន័យរាប់ម៉ឺនទិន្នន័យរក្សាទុកក្នុង Excel ឬក៏ Spreadsheets ផ្សេងៗ សូមព្យាយាមរៀនស្វែងយល់ និងបម្លែងទិន្នន័យទាំងនោះ ឱ្យចេញជា Table ហើយផ្គុំទៅជា Database វិញម្ដង។ សាកល្បងចំណុចនេះ អ្នកនឹងបង្កើនចំណេះដឹងផ្នែក Database ដោយមិនដឹងខ្លួន។
ទី ៥ Database Platforms គឺមានទំហំមិនដូចគ្នាទេ
អ្នកត្រូវចាំថា Database Platform និមួយៗមាន Feature មិនដូចគ្នាទាំងអស់នោះទេ។ Database Platform ខ្លះមានស្ទើរតែគ្រប់ Feature ដែលត្រូវបានគេប្រើប្រាស់សម្រាប់អាជីវកម្ម ឬក៏គ្រប់គ្រង់ទិន្នន័យក្នុងក្រុមហ៊ុនធំ ចំណែកឯខ្លះទៀតគឺប្រើសម្រាប់ការគ្រប់អាជីវកម្មធន់តូច ហើយ Feature របស់វាគឺផ្ទុកទិន្នន័យតាមទំហំដែលត្រូវបានគេកំណត់។ ដូច្នេះមុននឹងសម្រេចចិត្តធ្វើកម្មវិធីណាមួយ ដែលមាន Database អ្នកចាំបាច់ត្រូវចេះជ្រើសរើសប្រភេទ Database Platform ណាមួយ ដែលស័ក្ដសមនឹងការងារនោះ។
នេះគ្រាន់តែជាការចែករំលែកមួយដែល nob70 បានដកស្រង់ពីប្រភពបរទេសតែប៉ុណ្ណោះ។ បើសិនជាអ្នកទាំងអស់គ្នាមានអ្វីចែករំលែក សូមបញ្ចេញមតិរបស់អ្នកក្នុងប្រអស់ Comment ខាងក្រោមនេះ៕
ប្រភពពី៖ www.nob70.com
0 comments:
Post a Comment