កីឡាករល្អៗរបស់ខ្មែរចំនួន៥នាក់បានធ្វើដំណើរឆ្ពោះទៅកាន់ខេត្តសៀមរាបរួចរាល់តាំងពីម្សិលមិញម៉្លេះ ដើម្បីនឹងបើកការប្រកួតប្រដាល់អន្តរជាតិជាមួយក្រុមកីឡាករថៃលើរេញ ស៊ីធីអិន អង្គរនៅរសៀលនេះចាប់ពីម៉ោង៤ទៅ និងមានផ្សាយផ្ទាល់តាមប៉ុស្តិ៍ ស៊ីធីអិនផងដែរ។
កីឡាករកម្ពុជាទាំង៥រូបដែលត្រូវស្វាគមន៍កីឡាករថៃថ្ងៃនេះរួមមាន ឃីម ឌីម៉ា, ហុន ឈុនហេង, ឆាំ រ៉ែម, ឈាន ហុង និង សៀវ សំណាង។
លោក ម៉ា សេរី ប្រធានផ្នែកកីឡាប្រចាំបណ្ដាញទូរទស្សន៍ខាងលើថាដោយសារមានការគាំទ្រខ្លាំង នេះលើកទី២នៃការរៀបចំកម្មវិធីប្រកួតអន្តរជាតិនៅ សង្វៀនសៀមរាប បន្ទាប់ពីធ្លាប់ធ្វើបានតែម្ដងគត់ក្នុងថ្ងៃសម្ពោធសង្វៀនកាលពីប៉ុន្មានខែកន្លងទៅ។ លោកថាស្ថានីយទូរទស្សន៍លោក ចាប់ពីខែនេះទៅនឹងរៀបចំជាប្រចាំមួយម្ដងនូវការប្រកួតប្រដាល់អន្តរជាតិនៅ សង្វៀនដែនដីទេសចរណ៍មួយនេះ ដើម្បីស្រូបទាញការគាំទ្រដល់ប្រដាល់បុរាណខ្មែរ ក្នុងចំណោមប្រជាជនខ្មែរពិសេសបរទេស។
អត្ថបទពាក់ព័ន្ធសូមអាន៖ អ្នកប្រដាល់ល្បីៗឥឡូវក៏លេងហ្វេសប៊ុកចាស់ដៃណាស់ដែរ
អត្ថបទ៖ ប៉ែន សុផាន់ណា
0 comments:
Post a Comment