មនុស្សអាយុ២០ឆ្នាំចូលចិត្តធ្វើអីខ្លះ?
សួស្ដីប្រិយមិត្ត nob70 ទាំងអស់គ្នា! តើអ្នកណាខ្លះទើបតែមានអាយុម្ភៃស្ដើង? ថ្ងៃនេះគេហទំព័រ nob70 សូមបង្ហាញពីចំណុចមួយចំនួនដែលមនុស្សអាយុ ២០ ឆ្នាំធ្វើឡើងដោយមិនបានគិតពីខ្លួនឯង។ ចង់ថាមានចំណុចអីខ្លះអត់?
ទី ១៖ ញាណនឹង Social Media
ចំណុចនេះយោងតាមការស្រាវជ្រាវ មនុស្សក្នុងវ័យ ២០ ឆ្នាំសម័យនេះចូលចិត្តចំណាយពេលវេលាទៅលើអ៊ីនធឺណិតច្រើនជាងគេក្នុងជីវិតប្រចាំថ្ងៃ ជាពិសេសគឺបណ្ដាញទំនាក់ទំនងសង្គម។ អ្នកខ្លះក្រោកពីគេងមិនទាន់ស្រួលបួលផង ចាប់ផ្ដើមកាន់ទូរសព្ទបើក Facebook ឬក៏លេងហ្គេមភ្លាមៗ រហូតដល់ពេលខ្លះចំណាយពេលប្រើអ៊ីនធឺណិតដល់យប់ជ្រៅថែមទៀត។
ទី ២៖ ចំណាយលុយច្រើនញ៉ាំអីនៅខាងក្រៅ
មនុស្សប្រុសស្រីក្នុងវ័យនេះ ចូលចិត្តបបួលមិត្តភ័ក្ដិទៅញ៉ាំអីខាងក្រៅ ជាញឹកញយណាស់ បើទោះនៅផ្ទះមានម្ហូបញ៉ាំច្រើនក៏ដោយ។ ពេលវេលាដែលមនុស្សអាយុស្របាល ២០ ឆ្នាំចូលចិត្តណាត់គ្នាទៅញ៉ាំអីច្រើនជាងគេ គឺនៅពេលល្ងាច និងថ្ងៃចុងសប្ដាហ៍។ ការណាត់គ្នាពួកគេមិនគិតក្នុងឱកាសអី នោះទេ ឱ្យតែមានពេលទំនេរគឺរកកន្លែងជុំគ្នាហើយ។
ទី ៣៖ មិនសូវយកចិត្តទុកដាក់ពីរឿងសុខភាពនោះទេ
មិនថាកម្មវិធីអីនោះទេ ដើម្បីភាពសប្បាយរីករាយ មនុស្សក្នុងវ័យនេះញ៉ាំអីមិនសូវគិតច្រើននោះទេ ជាពិសេសគឺគ្រឿងស្រវឹង។ មួយផ្នែកទៀតគឺ ការដើរលេងពេលយប់ ស្ទើរតែរាល់សប្ដាហ៍ ដោយមិនញញើតនឹងបញ្ហាសុខភាពចុះអន់ថតនៅថ្ងៃមុខទេ។ បើនិយាពីរឿងញ៉ាំ Fast Food វិញគឺមិនគិតពីរឿងឡើងជាតិខ្លាញ់ ឬក៏ខ្លាចធាត់អីនោះទេ។
ទី ៤៖ ប្រើពេលវេលាច្រើនលើសលប់ជាមួយសង្សារ
៧០% នៃពេលវេលាក្នុងជិវិតប្រចាំថ្ងៃ គឺពួកគេចូលចិត្តយកពេលទាំងនោះនៅជាមួយសង្សារ ខណៈដែលគ្រួសារ និងមិត្តភ័ក្ដិជាជម្រើសបន្ទាប់។ ក្នុងពេលកំពុងមានស្នេហា ពេលវេលាទាំងអស់នោះពួកគេគិតថាមានន័យណាស់ ប៉ុន្តែ ក្រោយពេលបែកបាក់គ្នា ពួកគេនឹកដល់គ្រួសារ និងមិត្តភ័ក្ដិភ្លាម។
ទី ៥៖ មិនខ្វល់ពីរឿងមានកូនដោយចៃដន្យ
សង្សារវ័យក្មេងសម័យនេះ មិនថានៅអ៊ឺរ៉ុប ឬនៅអាស៊ីទេ ប្រសិនបើទំនាក់ទំនងពួកគេកាន់តែជ្រាលជ្រៅទៅៗ ពេលរួមភេទពួកគេមិនប្រើប្រាស់ស្រោមអនាម័យ ដើម្បីការពារការមានកូនដោយចៃដន្យនោះទេ។ អ្វីៗទាំងអស់នេះ ដើម្បីទទួលបានអារម្មណ៍ផ្លូវភេទស្និទ្ធស្នាល ពួកគេច្រើនតែធ្វេសប្រហែលក្នុងរឿងនេះ។
ទី ៦៖ ទិញផលិតផលថែរក្សាសម្ផស្ស បើទោះជាដឹងថារបស់នោះមិនចាំបាច់ក៏ដោយ
ចំណុចនេះភាគច្រើនកើតឡើងលើយុវតី ដែលចូលចិត្តដើរផ្សារ។ ឱ្យតែមានលុយច្រើនក្នុងដៃ ការដើរផ្សារទិញឥវ៉ាន់ជាចំណុចសប្បាយរីករាយបំផុតសម្រាប់នារី ជាពិសេសការដើរទិញសំលៀកបំពាក់ និងគ្រឿសសម្អាងផ្សេង។ ធ្លាប់ទេ ក្រោយពេលទិញហើយមិនប្រើប្រាស់របស់ទាំងអស់នោះ?
ខាងលើនេះជាចំណុចមួយចំនួនដែល បានដកស្រស់ចេញពីគេហទំព័របរទេសតែប៉ុណ្ណោះ។ តើ ទាំងអស់គ្នាមានអីចែករំលែកក្នុងបទពិសោធន៍នៅវ័យស្របាល ២០ ឆ្នាំខ្លះ?
ដោយ nob70
ប្រភព៖ cosmopolitan
0 comments:
Post a Comment