ប្រឡងបវរកញ្ញាខ្ទើយឆ្នាំ២០១៣ ជ័យលាភីនឹងទទួលបានការវះកាត់កែសម្ផស្ស ដោយឥតគិតថ្លៃ
ក្រុងបាងកក ៖ រយៈពេល ៤០ឆ្នាំមកហើយ ដែលប្រទេសថៃ បានរៀបចំព្រឹត្តិការណ៍ ប្រឡងបវរកញ្ញាខ្ទើយ ហើយក្នុងឆ្នាំ២០១៣ នេះ អ្នករៀបចំកម្មវិធីបានឲ្យដឹងថា មនុស្សភេទទី៣ ចំនួន ២៥ នាក់មកពី ១៧ ប្រទេសត្រូវមកចូលរួមប្រឡងបវរកញ្ញាខ្ទើយនៅក្រុងប៉ាតាយ៉ា ប្រទេសថៃដើម្បីគ្រប់គ្រងមកុដ Miss International Queen កាលពីថ្ងៃទី៨ ខែវិច្ឆិកា កន្លងទៅនេះ។
ការរៀបចំប្រឡង បវរកញ្ញាខ្ទើយនៅក្រុងប៉ាតាយ៉ា ក្នុងឆ្នាំ២០១៣ នេះអាចចាត់ទុកជា ព្រឹត្តិការណ៍អន្តរជាតិលើកទី៩ បើគិតចាប់តាំងពីឆ្នាំ២០០៤ ។ លោក អារីសា ផានធូសាក់ អ្នករៀបចំព្រឹត្តិការណ៍នេះ បានបញ្ជាក់ថា អ្នកឈ្នះពាន Miss International Queen នេះនឹងទទួលបានប្រាក់រង្វាន់ ៣សែនបាត មកុដត្បូងមែនទែនមួយ និងផ្តល់ជូននូវការវះកាត់កែសម្ផស្ស ដោយឥតគិតថ្លៃពីគ្លីនិក ដ៏ល្បីល្បាញមួយ នៅក្រុងបាងកក។
ការប្រឡងបវរកញ្ញាខ្ទើយ នៅប្រទេសថៃបានចាប់ផ្តើម តាំងពី ៤០ឆ្នាំមុន តែវាបានក្លាយជាព្រឹត្តិការណ៍អន្តរជាតិ នៅឆ្នាំ២០០៤ ដោយអនុញ្ញាតឲ្យមនុស្សភេទទី៣ មកពីប្រទេសផ្សេងៗ ចូលរួមបង្ហាញរូបសម្បត្តិនិង សមត្ថភាពរបស់ពួកគេ។ ក្នុងឆ្នាំនេះផងដែរ ក៏មានជនជាតិមីយ៉ាន់ម៉ា លើកដំបូងបានចូលរួមប្រឡងនៅឆ្នាំនេះ បន្ទាប់ពីពួកគេទទួលបាន លទ្ធិប្រជាធិបតេយ្យ៕
ប្រភពពី៖ www.watphnom-news.com
0 comments:
Post a Comment