ក្រុមបាល់ទាត់U23 កម្ពុជាពេលជួបក្រុមបាល់ទាត់U23 ថៃម្តងៗតែងទទួលរងបរាជ័យចាស់ដៃ។ តើមានមូលហេតុអ្វីបានជាទទួលផលអាក្រក់បែបនេះ ខណៈជួបក្រុមខ្លាំងភូមិផងរបងជាមួយគ្នាស្ទើររកគ្រាប់បាល់គ្មានមួយ ប៉ុន្តែពេលជួបជាមួយក្រុមខ្លាំងនៅប្រទេសអាស៊ានដូចគ្នាយ៉ាងហោចណាស់ក៏អាចស៊ីសងគ្នាបានខ្លះដែរ។
ក្រុម U23 កម្ពុជា
ពាក់ព័ន្ធបញ្ហាខាងលើ លោក រិទ្ធ ឌីកា ដែលបានដឹកនាំក្រុម U19 ទៅប្រកួតនៅ ឥណ្ឌូណេស៊ី ថ្មីៗកន្លងទៅនេះ ឲ្យដឹងថា៖«កាលពីមុនអញ្ចឹងមែន កីឡាករយើងទៅប្រកួតមានតែកម្លាំងមួយមុខគត់ ខ្វះបច្ចេកទេស និងចិត្តសាស្ត្រ យើងបានត្រឹមដេញបាល់គេ ដល់ពេលអស់កម្លាំងដេញ គេលត់យកៗតែម្ដង។ ប៉ុន្តែប៉ុន្មានឆ្នាំចុងក្រោយនេះ ខ្ញុំមើលឃើញថា ថៃឬវៀតណាម មិនអាចស៊ីយើងលើសពី៣គ្រាប់ឡើយ ព្រោះក្រុមយើងមានការការវិវឌ្ឍន៍ច្រើនជាងមុន។ ណាមួយឥលូវខ្មែរយើងមានគ្រូ A License ច្រើន បទពិសោធន៍ច្រើន កត្តាទាំងនេះអាចជះឥទ្ធិពលដល់ប្រព័ន្ធលេងរបស់កីឡាករយើងដែរ»។
អត្ថបទពាក់ព័ន្ធ៖ ហេតុអ្វីអ្នកគាំទ្រដើរចេញពេលក្រុមរបស់ខ្លួនត្រូវគេនាំមុខជិតចប់ការប្រកួត?
«ម្យ៉ាងការលេងក្រៅទឹកដី បង្កផលវិបាកដល់យើងច្រើន ទាំងអាកាសធាតុ ស្ថានភាពទូទៅ អ្នកគាំទ្រ ម៉ោងប្រកួត ជាពិសេសម្ហូបអាហារហ្នឹងតែម្ដង ជាហេតុធ្វើឲ្យពួកគេមិនមានកម្លាំងគ្រប់គ្រាន់ ហើយទម្រង់លេងក៏ធ្លាក់ទៅតាមហ្នឹងដែរ។ យ៉ាងណា ខ្ញុំទទួលស្គាល់ថា ថៃ ខ្លាំងមែន ព្រោះគេអភិវឌ្ឍន៍មុនយើងឆ្ងាយ ក្លិបរបស់គេ៣លេងក្នុង AFC Champions League ទៀតផង ចំណែក វៀតណាម ដូចជាមិនសូវល្អដូចមុនទេ យើងអាចប្រដំប្រសងជាមួយគេ។ ខ្ញុំមានសុទិដ្ឋិនិយមថា មិនយូរទេយើងនឹងមានលទ្ធផលស៊ីសងគ្នាជាមួយគេ ព្រោះទាំងគ្រូបង្វឹក ទាំងថ្នាក់ដឹកនាំ និងកីឡាករមានឆន្ទះខ្ពស់ក្នុងការនាំកិត្តិយសជូនជាតិមាតុភូមិ» គ្រូបង្វឹកដដែលបញ្ជាក់បន្ថែម។
តាមប្រវត្តិជួបគ្នានៅព្រឹត្តិការណ៍ស៊ីហ្គេម U23 កម្ពុជាបរាជ័យក្រោមស្នាដៃ U23 ថៃ ០-៤ ក្នុងឆ្នាំ២០១១ ហើយព្រឹត្តិការណ៍នេះដដែលក្នុងឆ្នាំ២០០៩ កម្ពុជាបរាជ័យដោយសារថៃ ០-៤ទៀត និងឆ្នាំ២០០៧កម្ពុជាបរាជ័យធ្ងន់កដោយលទ្ធផល០-៨ទៀត។ ចំពោះការជួបគ្នាជាមួយវៀតណាមនៅព្រឹត្តិការណ៍ស៊ីហ្គេមឆ្នាំ២០០៩ កម្ពុជាចាញ់១-៦។
ក្រុមបាល់ទាត់U23ថៃ
ប្រកួតប្រកួតខ្លះៗក្នុងព្រឹត្តិការណ៍ស៊ីហ្គេមឆ្នាំ២០០៧, ២០០៩ និង២០១១
២០១១ កម្ពុជា ០-៤ ថៃ
២០១១ កម្ពុជា ១-៤ ម៉ាឡេស៊ី
២០១១ កម្ពុជា ១-២ សិង្ហបុរី
២០១១ កម្ពុជា ០-៦ ឥណ្ឌូនេស៊ី
២០០៩ កម្ពុជា ០-៤ ម៉ាឡេស៊ី
២០០៩ កម្ពុជា ៤-១ ទីម័រខាងកើត
២០០៩ កម្ពុជា ០-៤ ថៃ
២០០៩ កម្ពុជា ១-៦ វៀតណាម
២០០៧ កម្ពុជា ១-៣ ឥណ្ឌូណេស៊ី
២០០៧ កម្ពុជា ០-៨ ថៃ
២០០៧ កម្ពុជា ២-៦មីយ៉ាន់ម៉ា
ប្រវត្តិខ្លះៗខាងលើគ្រាន់តែលើកយកក្នុងព្រឹត្តិការណ៍ស៊ីហ្គេមប៉ុណ្ណោះ។ បើនិយាយពីព្រឹត្តិការណ៍បាល់ទាត់ផ្សេងៗទៀតក្រុមបាល់ទាត់កម្ពុជាក៏រងបរាជ័យខ្លាំងដែរ។
អត្ថបទពាក់ព័ន្ធ៖ គ្រូថៃនិយាយអ្វីខ្លះក្រោយឈ្នះមីយ៉ាន់ម៉ា ៣ – ១?
តើប្រិយមិត្តពិតចង់ឲ្យក្រុមបាល់ទាត់កម្ពុជាបំបាក់ក្រុមថៃម្តងទេ ប្រសិនកម្ពុជាអាចជួបក្រុមថៃនៅព្រឹត្តិការណ៍BIDC CUP 2013ដែលកម្ពុជាធ្វើជាម្ចាស់ផ្ទះ?
0 comments:
Post a Comment