វីដេអូស្តីពីសកម្មភាពបង្ក្រាប និងការប៉ះទង្គិចរវាងក្រុមបាតុករ និងប៉ូលីសនៅស្ទឹងមានជ័យ(មានវីដេអូ)
យ៉ាងហោចណាស់មានប៉ូលីស៤នាក់ត្រូវបានចាប់ខ្លួន រថយន្តមួយគ្រឿង និងម៉ូតូជាច្រើនគ្រឿងបានរងការដុតបំផ្លាញដោយក្រុមបាតុករដែលជាកម្មកររោងចក្រ SL1 និងSL2 នៅស្ទឹងមានជ័យ។
ក្នុងការប៉ះទង្គិចដោយហឹង្សានោះ បានបង្កឲ្យមានរងគ្រោះរបួសអ្នកកាសែតអន្តរជាតិម្នាក់ និងអ្នកកាសែតខ្មែរម្នាក់ នេះបើតាមសេចក្តីរាយការណ៌ចុងក្រោយពីកន្លែងកើតហេតុ។ ពាក់ព័ន្ទនឹងប៉ូលីស៤នាក់ដែលបានចាប់ខ្លួនដោយក្រុមបាតុករនោះត្រូវបានសម្រុះសម្រួលដោះលែងមកវិញហើយ។
សូមបញ្ជាក់ថា ការប៉ះទង្គិចនេះត្រូវបានកើតឡើងនៅចំនុចខាងមុខវត្តស្ទឹងមានជ័យ ខណៈដែលក្រុមកម្មកររោងចក្រ SL1 និងSL2 ព្យាយាមធ្វើដំណើរក្នុងគោលបំណងទៅកាន់ផ្ទះលោកនាយករដ្ឋមន្ត្រីហ៊ុន សែននៅវិមានឯករាជ្យ។
វិទ្យុ អាស៊ីសេរីបានចុះផ្សាយថា ក្រុមកម្មករបានដុតរថយន្តប៉ូលិសមួយគ្រឿង និងម៉ូតូ ២គ្រឿង នៅខាងមុខវត្តស្ទឹងមានជ័យ ដោយសារពួកគេខឹងសម្បារនឹងសមត្ថកិច្ចដែលបានយកឡានទឹកមកបាញ់ បង្ក្រាបក្រុមកម្មករ៕
-------
រូបភាព៖ វិទ្យុអាស៊ីសេរី
ប្រភពពី៖ www.neavea.com
0 comments:
Post a Comment