បើហៅឈ្មោះពិត Alessandro Rosa Vieira ប្រហែលមិនសូវមានអ្នកស្គាល់ទេ ពីព្រោះក្នុងកីឡាហ៊្វូតសាល កំពូលខ្សែប្រយុទ្ធជម្រើសជាតិប្រេស៊ីលម្នាក់នេះត្រូវបានគេស្គាល់ជាទូទៅថា Falcão។ កីឡាករវ័យ៣៦ឆ្នាំរូបនេះល្បីល្បាញខ្លាំងណាស់នៅទូទាំងពិភពលោក ជាមួយនឹងទេពកោសល្យអស្ចារ្យខាងញាក់បាល់និងស៊ុតច្បាស់ៗប្រកបដោយកម្លាំងជើង ដែលធ្វើឱ្យគេក្លាយជាកីឡាករហ៊្វូតសាលល្អផ្ដាច់គេលើភពផែនដីប្រចាំឆ្នាំ២០០៤,២០០៦និង២០១១។
អតីតកីឡាករបាល់ទាត់របស់ក្លិប São Paulo ខាងលើ រួមចំណែកជួយឱ្យ ក្រុមហ៊្វូតសាលជម្រើសជាតិប្រេស៊ីលឈ្នះជើងឯកពិភពលោក FIFA Futsal World Cup ពីរលើកជាប់គ្នា ពោលគឺឆ្នាំ២០០៨នៅប្រេស៊ីលនិង២០១២ដែលរៀបចំឡើងនៅប្រទេសថៃ។
ព្រឹកថ្ងៃសៅរ៍នេះយើងខ្ញុំមានវីដេអូក្លីបខ្លីមួយបង្ហាញពីល្បិចពោរពេញដោយបច្ចេកទេសរបស់ Falcao ក្នុងការទាត់បាល់ពិន័យហ៊្វ្រីឃីក ដែលបានបោកបញ្ឆោតខ្សែការពារនិងអ្នកចាំទីឱ្យរឹងជើងរៀងៗខ្លួនឈរមើលបាល់ហោះកោងចូលទី។
0 comments:
Post a Comment