ព្រាប សុវត្ថិ ចេញទៅជប៉ុនក្នុងនាមតំណាងប្រទេសកម្ពុជា (មានវីដេអូ)
តារាចំរៀងលំដាប់កំពូលរបស់កម្ពុជា មកពីផលិតកម្មហង្សមាស លោកព្រាប សុវត្ថិបានចាកចេញពីប្រទេសកម្ពុជានៅល្ងាចថ្ងៃទី២៦ វិច្ឆិកា ២០១៣ ទៅកាន់ប្រទេសជប៉ុន ក្នុងព្រឹត្តិការណ៍ប្រគុំតន្ត្រី រំលឹកខួបអនុស្សាវរីយ៍លើកទី៤០ឆ្នាំ រវាងអាស៊ាន និងជប៉ុន។
ការចេញទៅលើកនេះ ត្រូវបានលោក ព្រាប សុវត្ថិបញ្ជាក់ថា លោកចេញទៅក្នុងនាមជាអ្នកតំណាងប្រទេសកម្ពុជា ហើយថា លោកមានចិត្តសោមនស្សរីករាយបំផុតដែលត្រូវបានជ្រើសរើសជាបេក្ខភាពសម្រាប់តំណាងប្រទេសយើង។
ទន្ទឹមនឹងនេះលោក ព្រាប សុវត្ថិ បានបញ្ជាក់ថា លោកនឹងខិតខំធ្វើយ៉ាងណាឲ្យពិភពលោកបានស្គាល់ខ្មែរយើងឲ្យច្បាស់ ឲ្យគេដឹងថា កម្ពុជាគឺជាប្រទេសដែលមានវប្បធម៌ចំណាស់ជាងគេនៅតំបន់អាស៊ី។ ចំនែកបទចំរៀងដែលនឹងត្រូវបកស្រាយនៅក្នុងមហាព្រឹត្តិការណ៌នោះ ត្រូវបានលោក ព្រាប សុវត្ថិ ប្រាប់ថា មាន២បទគឺ «យើង មានបេះដូង» និងបទ «Kingdom of wonder» ដែលសុទ្ធសឹងជាបទចម្រៀងរៀបរាប់ ពីវប្បធម៌ប្រពៃណី រួមទាំងសម្បត្តិបេតិកភណ្ឌដ៏សម្បូរបែបរបស់កម្ពុជា៕
លោកអ្នកមានពាក្យជូនពរលោក ព្រាប សុវត្ថិទេ?
ប្រភពពី៖ www.neavea.com
0 comments:
Post a Comment