រឿងចម្លែកមួយបានកើតឡើងក្នុងលីកបាល់ទាត់អាជីពលំដាប់ទី៣របស់អ៊ីតាលី ដោយអាជ្ញាកណ្ដាលត្រូវបង្ខំចិត្តរំសាយការប្រកួតរវាងក្រុមម្ចាស់ផ្ទះ Salernitana និងក្រុម Nocerina ដោយសារតែក្រុមភ្ញៀវសល់គ្នាតែ៦នាក់បន្ទាប់ពីលេខបានតែ២០នាទី។
អត្ថបទ៖ មួយល្បិចរបស់កំពូលកីឡាករហ៊្វូតសាលលើលោក ពិឃាដអ្នកចាំទីនិងខ្សែការពារទាំងរស់
មែនទែនទៅ ភាពមិនប្រក្រតីបានកើតឡើងតាំងពីមុនការប្រកួតម្ល៉េះ ដោយកីឡាករក្រុម Nocerina មិនហ៊ានចុះពីលើឡានក្រុងរបស់ពួកគេ ព្រោះបារម្ភពីសុវត្ថិភាពផ្ទាល់ខ្លួន ក្រោយទទួលការគំរាមសម្លាប់ពីសំណាក់អ្នកគាំទ្ររបស់ពួកគេដែលក្ដៅក្រហាយដោយសារជាប់បម្រាមមិនឱ្យចូលទស្សនាក្នុងកីឡដ្ឋាន។ ការប្រកួតត្រូវពន្យារពេលអស់៤០នាទីទម្រាំមន្ត្រីរៀបចំការប្រកួតបញ្ចុះបញ្ចូលឱ្យកីឡាករក្រុម Nocerina ព្រមចូលទីលាន។
អត្ថបទ៖ បំបែកឯតទគ្គកម្ម Bale ហើយជួយជីតា ឈ្នះរង្វាន់២សែនដុល្លារទៀត
ប៉ុន្តែនៅពេលការប្រកួតចាប់ផ្ដើម ក្រុមភ្ញៀវ Nocerina ហាក់បានរៀបចំគម្រោងការទុករួចជាស្រេចដើម្បីគេចពីការប្រកួត។ នោះគឺ គ្រាន់តែកែបាល់លេងបានពីរនាទីដំបូងមិនទាន់ទាំងប្រឡាក់ស្បែកជើងផង គ្រូបង្វឹករបស់ក្រុម Nocerina ផ្លាស់ប្ដូរកីឡាករទាំង៣នាក់ ដែលជាចំនួនកំណត់សម្រាប់ក្រុមម្ខាងប្ដូរក្នុងការលេងពេញមួយប្រកួត។ ១៧នាទីបន្ទាប់មកទៀត កីឡាកររបស់ក្រុម Nocerina ៥នាក់លេងលែងកើតហើយដើរខ្ជើចជើងចេញពីទីលាន ធ្វើឱ្យក្រុមនេះសល់គ្នាតែ៦នាក់ប៉ុណ្ណោះនៅលើវាលស្មៅ ដែលតិចជាងចំនួនអប្បបរមាកំណត់ក្នុងច្បាប់នៃការប្រកួត មិនអាចឱ្យអាជ្ញាកណ្ដាលបន្តការប្រកួតបាន ហើយអាជ្ញាកណ្ដាលក៏រំសាយការប្រកួតទៅ។
អត្ថបទ៖ Ronaldo លេងមួយក្បាច់ដាច់ចង្កេះប្រធានក្រុមអៀរឡង់ខាងជើង
លោក Luigi Pavarese នាយកបច្ចេកទេសរបស់ក្រុម Nocerina អះអាងថាការផ្លាស់ប្ដូរកីឡាករអស់៣នាក់ភ្លាមទាំងដើមការប្រកួតដូច្នោះគឺជាការសម្រេចចិត្តរបស់គ្រូបង្វឹក និងថាកីឡាកររបស់ក្រុមលោករងរបួសច្រើនអីចឹងដោយសារតែអត់បានកម្ដៅសាច់ដុំមុនចូលលេង។
អត្ថបទ៖ មើលខ្សែប្រយុទ្ធប្រេស៊ីលម្នាក់នេះអូសបាល់ទៅស៊ុតរួច គួរឱ្យសរសើរមែន!
មិនដឹងជាយ៉ាងម៉េច ថ្នាក់ដឹកនាំក្លិប Nocerina ទាំងមូលបានលាលែងពីតំណែងទាំងអស់គ្នា ហើយកីឡាករត្រូវបានគេហាមប្រាមមិនឱ្យនិយាយជាមួយសារព័ត៌មានទៀតផង ស្របពេលលីក កំពុងបើកការស៊ើបអង្កេតអំពីករណីគួរឱ្យសង្ស័យនេះ៕
0 comments:
Post a Comment