កូឡុំប៊ីបានកក់កៅអីទៅ World Cup នៅប្រេស៊ីលឆ្នាំក្រោយជាស្វ័យប្រវត្តិ ក្រោយវាយបកតាមស្មើ ៣-៣ ទល់នឹងឈីលីក្នុងវគ្គជម្រុះតំបន់អាមេរិកខាងត្បូងយប់មិញនេះ។ លទ្ធផលស្មើនេះគឺគ្រប់គ្រាន់ឲ្យកូឡុំប៊ីជាប់ទៅWorld Cup លើកដំបូងគិតចាប់តាំងពីឆ្នាំ១៩៩៨មក ពោលគឺទៅតាមអាហ្សង់ទីន ដែលដឹងខ្លួនជាប់ស្វ័យប្រវត្តិកាលពីខែមុន។
នៅក្នុងការប្រកួតនេះ ឈីលីបាននាំមុខកូឡុំប៊ីដល់ទៅ៣គ្រាប់ ដោយការស៊ុតបាល់ពិន័យ១១ម៉ែត្ររបស់កីឡាករក្លិបសេះបង្កង់ Juventus, Arturo Vidal នៅនាទី១៨ ខណៈ២គ្រាប់ទៀតធ្វើបានដោយ Alexis Sanchez របស់ក្លិបអ្នកមានបុណ្យ Barcelona នៅនាទី២១ និង២៩។ យ៉ាងណាក្ដី នៅនាទី៦៦ ឈីលីបានបាត់បង់សមាជិកម្នាក់ ក្រោយ Carlos Carmora ទទួលកាតលឿង២ដង ដែលធ្វើឲ្យអ្វីៗត្រូវប្រែប្រួល។
កូឡុំប៊ី បានវាយបកវិញ៣គ្រាប់មិនគួរឲ្យជឿនៅតង់ទី២។ ១គ្រាប់ដំបូងរបស់ក្រុមនេះ ធ្វើបានដោយ Teofilo Gutierrez នៅនាទី៦៩ រីឯ២គ្រាប់ទៀតធ្វើបានដោយការស៊ុតបាល់ពិន័យ១១ម៉ែត្ររបស់ខ្សែប្រយុទ្ធក្លិប Monaco, Radamel Falcao នៅនាទី៧៥ និង៨៤។
លទ្ធផលនេះ ធ្វើឲ្យកូឡុំប៊ី កើនដល់២៧ពិន្ទុ ឈរលេខ២ក្នុងតារាងបន្ទាប់ពីអាហ្សង់ទីន។ ចំណែកឈីលីវិញ ក៏មានភាគរយខ្ពស់ដែរថានឹងអាចជាប់ទៅប្រេស៊ីល ពោលគឺយ៉ាងហោចណាស់ក៏បានកៅអី Play-off នោះដែរ។
កីឡាករក្រុមកូឡុំប៊ីអបអរក្រោយចប់ការប្រកួត
ក្នុងចំណោមក្នុងទាំង៩ ក្នុងជុំចុងក្រោយនៃវគ្គជម្រុះតំបន់អាមេរិកខាងត្បូងនេះ មាន៤ក្រុមបានធ្លាក់ស្វ័យប្រវត្តិហើយ គឺ វេណេហ្ស៊ុយអេឡា ប៉េរូ ប៉ារ៉ាហ្គាយ និងបូលីវី។ នៅតំបន់នេះ កៅអី៤កន្លះត្រូវបានផ្ដល់ឲ្យ ដូច្នេះ៤ក្រុមខាងលើតារាងនឹងបានទៅ World Cup ស្វ័យប្រវត្តិ ខណៈក្រុមលេខ៥ ត្រូវប្រកួត play-off ទល់នឹងក្រុមលេខ៥តំបន់អាស៊ី (ហ្សកដានី)។
តារាងពិន្ទុក្រោយការប្រកួតយប់មិញ៖
ក្រុម២លើជាប់ស្វ័យប្រវត្តិ ខណៈក្រុម៣បន្ទាប់ យ៉ាងហោចជាប់ play-off (លេខ៥)
វីដេអូហាយឡាយនៃការប្រកួត៖
អត្ថបទទាក់ទង World Cup ផ្សេងទៀត សូមចុចអានត្រង់នេះ
0 comments:
Post a Comment