JB ៖ ” ខ្ញុំមិនដែលភ្លេចដើមកំណើតខ្ញុំថាខ្ញុំពីណាទេ ”
និយាយក្នុងវីដេអូឃ្លិបមួយ ដែលត្រូវបានគេ Upload ចូលគេហទំព័រ youtube Justin Bieber បានលើកឡើងថា៖ ” ខ្ញុំមិនដែលភ្លេចដើមកំណើតខ្ញុំថាខ្ញុំពីណានោះទេ ”។ តើមានចំណុចអីពិសេសបានជា JB បង្ហើបសម្ដីមួយឃ្លានេះ?
កាលពីមិនទាន់ល្បី JB តែងអង្គុយដេញហ្គីតាច្រៀងលេងនៅមុខមហោស្រពមួយនៅប្រទេសកាណាដា មានឈ្មោះថា Avon។ Justin Bieber ចូលចិត្តទៅច្រៀងនៅទីនោះណាស់ ព្រោះនៅទីនោះមានមនុស្សជាច្រើនដើរឆ្លងកាត់។ កន្លែងនេះហើយជាកន្លែងដែលធ្វើឱ្យមហាជនទូទៅ ចាប់អារម្មណ៍ពីទេព្យកោសល្យរបស់ក្មេងប្រុសអាយុ ១៣ ឆ្នាំមួយរូប ដែលមានទឹកដមសម្លេងពិរោះគួរឱ្យចង់ស្ដាប់ កាលពីឆ្នាំ ២០០៧។
បង្ហាញមុខតាម youtube បានជិតមួយឆ្នាំ JB ត្រូវបានលោក Scooter Braun អ្នកគ្រប់គ្រង និងជាអ្នកត្រួសត្រាយផ្លូវដល់សិល្បករវ័យក្មេង ចាប់អារម្មណ៍រួចក៏ទាក់ទងឱ្យ JB បានជួបជាមួយ Usher ដើម្បីស្វែងយល់បន្ថែមក្នុងរង្វង់សិល្បៈ។ ក្រោយមកលោក Scooter Braun ក្លាយជាអ្នកគ្រប់គ្រងផ្ទាល់ទៅលើការងារសិល្បៈរបស់ JB។ ខែ វិច្ឆិកា ឆ្នាំ ២០០៩ JB ចាប់ផ្ដើមចេញ Album ដំបូងមានឈ្មោះថា My World ហើយក្នុងមាន ៧ បទ។
ចេញបានមួយ Album JB បានជាប់ឈ្មោះជាតារាចម្រៀងដំបូងគេបង្អស់មានបទចម្រៀងទាំង ៧ បទឈរលើតារាង Billboard Hot 100 របស់អាមេរិក។ បន្ទាប់ពីល្បីឈ្មោះលើឆាកអន្តរជាតិហើយនោះ ឆ្នាំ ២០១២ ម្ចាស់បទ ” Baby ” រូបនេះ ក៏ត្រលប់ទៅសម្ដែងនៅរោងមហោស្រព Avon ម្ដងទៀត ដោយអង្គុយដេញហ្គីតាច្រៀងដូចកាលពីគេអាយុ ១៣ ឆ្នាំអីចឹង។ នឹកដល់ចំណុចនេះហើយ បានជា JB បង្ហើបថា៖”ខ្ញុំមិនដែលភ្លេចដើមកំណើតខ្ញុំថាខ្ញុំពីណានោះទេ”។
យ៉ាងណាក៏ដោយ ទន្ទឹមនឹងភាពល្បីល្បាញរបស់ខ្លួន JB ត្រូវបានសាព័ត៌មានជាច្រើនបានទម្លាយរឿងអាស្រូវរបស់គេថា JB ជាអ្នកចម្រៀងវ័យក្មេងមួយរូបដែលមានឬកពារនៅក្រៅឆាកមិនសមរម្យប៉ុន្មាននោះទេ។ កន្លងមកតារារូបនេះ ធ្លាប់មានប្រវត្តិក្អួតលើឆាកប្រគុំតន្រ្ដី អ្នកគាំទ្រយកដបទឹកសុទ្ធគប់ វាយអ្នកសាព័ត៌មាន និងរឿងរ៉ាវជាច្រើនទៀត ដែលជាទង្វើមួយធ្វើឱ្យមហាជនទូទៅទាស់ចិត្តជាខ្លាំង។ ទស្សនាវីដេអូខាងក្រោមនេះ ដើម្បីមើល Justin Bieber ច្រៀងកាលពីនៅក្មេង៖
វីដេអូខាងក្រោមនេះហើយ ដែល Justin Bieber និយាយថារូបគេមិនភ្លេចកន្លែងដើមរបស់គេឡើយ។
ដោយ nob70
ប្រភព៖ wikipedia &thestars
0 comments:
Post a Comment