ថ្ងៃនេះយើងខ្ញុំសូមលើកយកបុគ្គលល្បីៗក្នុងពិភពលោកចំនួន ៦រូបដែលបានទទួលមរណភាព និងយាងចូលព្រះទិវង្គតក្នុងខែ តុលា ដែលក្នុងនោះក៏មានព្រះវត្តមាន ព្រះមហាវីរក្សត្រ ព្រះករុណាព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ ផងដែរ។
១ ព្រះបរមរតនកោដ្ឋ (៣១ តុលា ១៩២២ -១៥ តុលា ២០១២)
អតីតព្រះវររាជ្យបិតាជាតិខ្មែរ ព្រះករុណាព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ គឺជាអង្គមហាក្សត្រដ៏ល្បីល្បាញមួយព្រះអង្គដែលបានធ្វើព្រះរាជបូជនីយកិច្ចទាមទាឯករាជ្យជូនមាតុភូមិកម្ពុជាពីបារាំងក្នុងឆ្នាំ១៩៥៣។ ព្រះអង្គបានបន្សល់ទុកនូវស្នាព្រះហស្តជាច្រើនដល់ កូន ចៅ ចៅទូត ចៅលូតរបស់ព្រះអង្គ។ ព្រះអង្គបានចូលព្រះទិវង្គតក្នុងព្រះជន្មាយុ ៩០ព្រះវស្សាដោយព្រះរោគាពាធ នាទីក្រុងប៉េកាំងប្រទេសចិន។
សូមចុចអាន៖ កម្រងព្រះឆាយាល័ក្ខណ៍សម្តេចតាចុងក្រោយ កាលនៅមានព្រះជន្ម
សូមចុចអាន៖ «ព្រះឆាយាល័ក្ខណ៍សម្តេចតា» ដែលដាក់លក់ព្រោងព្រាតលើ ebay
សូមចុចអាន៖ ព្រះរាជជីវប្រវត្តិសង្ខេបសម្ដេចតា
វិមានព្រះបរមរូបសម្តេចតា
២ John locke (២៩ សីហា ១៦៣២ – ២៨ តុលា ១៧០៤)
លោក John Lock គឺជាទស្សនវិទូ និងអ្នករូបវិទ្យាដ៏ល្បីល្បាញមួយរូបរបស់អង់គ្លេស ដែលទ្រឹស្ដីរបស់លោកភាគច្រើនត្រូវបានយកមកអនុវត្តយ៉ាងទូលំទូលាយនៅក្នុងប្រទេសប្រជាធិបតេយ្យនាសតវត្សទី២១នេះ។ លោកបានទទួលមរណភាពក្នុងអាយុ ៧២ឆ្នាំ។
៣ លោក Charles Babbage ( ២៦ ធ្នូ ១៧៩១-១៨ តុលា ១៨៧១)
លោក Charles Babbage គឺជាអ្នកវិទ្យាសាស្ត្រល្បីល្បាញមួយរូបដែលមានគំនិតផ្ដួចផ្ដើមផលិតម៉ាស៊ីនកុំព្យូទ័រដំបូងគេបង្អស់ និង ជាទស្សនវិទូមួយរូបរបស់អង់គ្លេស។ លោកបានទទួលមរណភាពក្នុងអាយុ ៧០ឆ្នាំ។
៤ លោក Franklin Pierce (២៣ វិច្ឆិកា ១៨០៤-៨ តុលា ១៨៦៩)
លោកFranklin Pierce គឺជាប្រធានាធិបតីទី១៤ របស់សហរដ្ឋអាមេរិក មកពីគណបក្សសាធារណរដ្ឋ ដែលមានភាពល្បីល្បាញបំផុតក្នុងសង្គ្រាមអាមេរិក និងមិកស៊ិក។ លោកជាបុគ្គលមួយរូបដែលធ្វើឲ្យប្រជាពលរដ្ឋអាមេរិកភាគច្រើនចូលចិត្តលោកមុននឹងក្លាយជាប្រធានាធិបតី។ លោកបានទទួលមរណភាពក្នុងអាយុ ៦៥ឆ្នាំ។
៥ លោក Võ Nguyên Giáp ( ២៥ សីហា ១៩១១ – ៤ តុលា ២០១៣)
លោក Võ Nguyên Giáp គឺជាវីរបុរសរបស់ប្រទេសវៀតណាម ដែលរូបលោកនេះហើយធ្វើឲ្យវៀតណាមយកឈ្នះលើ សមរភូមិសង្គ្រាមបណ្ដេញមហាអំណាចធំៗគឺបារាំង និងអាមេរិកចេញពីទឹកដីរបស់ខ្លួនយ៉ាងអាម៉ាស់មុខបំផុតក្នុង អំឡុងទសវត្សរ៍ទី ៥០និង៧០។ លោកបានទទួលមរណភាពក្នុងអាយុ១០២ឆ្នាំ។
៦ លោក Steve Jobs ( ២៤ កុម្ភៈ ១៩៥៥-៥ តុលា ២០១១)
លោក Steven Paul ឬ ដែលគេបានស្គាល់ជាទូទៅថា Steve Jobs នោះគឺជាស្ថាបនិកដ៏ល្បីល្បាញមួយរូបរបស់ក្រុមហ៊ុនApple។ លោកបានទទួលមរណៈភាពដោយសារតែមានជំងឺមហារីកលំពែងដ៏ធ្ងន់ធ្ងរក្នុងអាយុ ៥៦ឆ្នាំ។
សូមចុចអាន៖ រំលឹកខួបមរណភាព ២ឆ្នាំរបស់លោក Steve Jobs
សូមចុចអាន៖ រកឃើញកំណប់របស់ Steve Jobs កាលពីជាង៣០ឆ្នាំមុន
សូមចុចអាន៖ Steve Jobsមានអាថ៌កំបាំងអ្វីខ្លះ?
អត្ថបទ៖ Narin
ប្រភព៖ Wikipedia
រូបភាព៖theguardian
0 comments:
Post a Comment