ប្រធានក្រុមហង្សក្រហម Liverpool កីឡាករ Steven Gerrard បានទាត់ចោលការរិះគន់ដែលថាកីឡាករអង់គ្លេសអត់យកចិត្តទុកដាក់ចំពោះក្រុមជម្រើសជាតិរបស់ខ្លួន។
អត្ថបទ៖ Wilshere ទទួលស្គាល់កំហុសរឿងជក់បារី ក្រោយត្រូវមាត់ Wenger
បរាជ័យរបស់ក្រុមជម្រើសជាតិអង់គ្លេសនាពេលកន្លងមក ដូចជាការមិនបានឡើងទៅជុំផ្ដាច់ព្រ័ត្រ (វគ្គ១៦ក្រុមចុងក្រោយ) នៃពានរង្វាន់ Euro 2008 នាំឱ្យមានការចោទប្រកាន់ថាដោយសារតែកីឡាករអង់គ្លេសម្នាក់ៗមិនសូវខ្វល់ខ្វាយពីក្រុមជម្រើស ពោលគឺគិតតែពីក្លិបប៉ុណ្ណោះ។ ប៉ុន្តែប្រធានក្រុមជម្រើសជាតិអង់គ្លេសនាពេលបច្ចុប្បន្នច្រានចោលការទិតៀននេះ។
កីឡាករដែលរួមរស់ជាមួយក្លិប Liverpool តាំងពីដើមអើយមករូបនេះតបថា៖ “ការលើកឡើងបែបនោះគ្មានន័យទាល់តែសោះ។ ពួកយើងឈឺចាប់អស់រយៈពេលយ៉ាងយូរ បន្ទាប់ពីក្រុមជម្រើសជាតិមិនបានឡើងទៅជុំផ្ដាច់ព្រ័ត្រ Euro 2008។ ពួកយើងខ្វល់ខ្វាយចំពោះក្រុមជម្រើសជាតិយ៉ាងពិតប្រាកដ។ ជឿជាក់លើសម្ដីខ្ញុំចុះ ពួកយើងខ្វល់ខ្វាយមែន ហើយគ្មានអ្នកណាខ្វល់ខ្វាយជាងកីឡាករយើងផ្ទាល់នោះទេ។ ពួកយើងដឹងថាអ្នកគាំទ្រនិងសារព័ត៌មាន មានមហិច្ឆតាចង់ឃើញអង់គ្លេសជោគជ័យ ប៉ុន្តែពួកគេមិនបានដឹងពីការប្រឹងប្រែងរបស់យើងឡើយ”។
ខ្សែបម្រើជើងចាស់វ័យ៣៣ឆ្នាំខាងលើនឹងត្រូវពាក់ស្លាកប្រធានក្រុមពេល អង់គ្លេស ប្រកួតជម្រុះ World Cup 2014 ទល់នឹង ម៉ុងតេណេក្រូ និង ប៉ូឡូញ នៅកីឡដ្ឋានជាតិ Wembley ទាំងពីរប្រកួត។ បើឈ្នះទាំងពីរប្រកួតចុងក្រោយនេះ ក្រុមរបស់លោក Roy Hodgson នឹងមានឈ្មោះទៅលេងជុំផ្ដាច់ព្រ័ត្រនៅប្រេស៊ីលដោយស្វ័យប្រវត្តិនាខែមិថុនាឆ្នាំ២០១៤ ខណៈបច្ចុប្បន្ន អង់គ្លេស លើស អ៊ុយក្រែន និង ម៉ុងតេណេក្រូ តែ១ពិន្ទុប៉ុណ្ណោះ ស្របពេល ប៉ូឡូញ ដេញពីក្រោយ២ពិន្ទុ។
អត្ថបទ៖ Gerrard ត្រូវគេគម្រាមសម្លាប់នៅកន្លែងហ្វឹកហាត់មុនប្រកួតយប់នេះ
ឈ្នះមួយស្មើមួយ ក៏គ្រប់គ្រាន់ដែរ ក្នុងករណី អ៊ុយក្រែន មិនអាចយកឈ្នះ ប៉ូឡូញ ក្នុងទីក្រុង Kiev នាថ្ងៃសុក្របាន ប៉ុន្តែប្រសិនបើរកបានតិចជាង៤ពិន្ទុពីការប្រកួតពីរលើកចុងក្រោយនេះ ក្រុមតោកំណាច អាចត្រូវប្រកួត Play-off ឬធ្លាក់តែម្ដង៕
ពិន្ទុពូល H
បញ្ជីកីឡាករ២៣នាក់ដែលលោក Roy Hodgson បានជ្រើសរើសដើម្បីត្រៀមប្រកួតទល់នឹង ម៉ុងតេណេក្រូ និង ប៉ូឡូញ
| តួនាទី | ឈ្មោះកីឡាករ | អាយុ | ធ្លាប់ចូលលេង | មកពីក្លិប |
| អ្នកចាំទី | Joe Hart | ២៦ឆ្នាំ | ៣៥ដង | Man City |
| អ្នកចាំទី | John Ruddy | ២៦ឆ្នាំ | ១ដង | Norwich |
| អ្នកចាំទី | Fraser Forster | ២៥ឆ្នាំ | ០ដង | Celtic |
| ខ្សែការពារ | Phil Jagielka | ៣១ឆ្នាំ | ២១ដង (រកបាន១គ្រាប់) | Everton |
| ខ្សែការពារ | Leighton Baines | ២៨ឆ្នាំ | ១៩ដង (រកបាន១គ្រាប់) | Everton |
| ខ្សែការពារ | Gary Cahill | ២៧ឆ្នាំ | ១៩ដង (រកបាន២គ្រាប់) | Chelsea |
| ខ្សែការពារ | Phil Jones | ២១ឆ្នាំ | ៨ដង | Man Utd |
| ខ្សែការពារ | Kyle Walker | ២៣ឆ្នាំ | ៨ដង | Spurs |
| ខ្សែការពារ | Chris Smalling | ២៣ឆ្នាំ | ៦ដង | Man Utd |
| ខ្សែការពារ | Kieran Gibbs | ២៤ឆ្នាំ | ២ដង | Arsenal |
| ខ្សែបម្រើ | Steven Gerrard | ៣៣ឆ្នាំ | ១០៥ដង (រកបាន២០គ្រាប់) | Liverpool |
| ខ្សែបម្រើ | Frank Lampard | ៣៥ឆ្នាំ | ១០០ដង (២៩គ្រាប់) | Chelsea |
| ខ្សែបម្រើ | James Milner | ២៧ឆ្នាំ | ៤១លើក (រកបាន១គ្រាប់) | Man City |
| ខ្សែបម្រើ | Michael Carrick | ៣២ឆ្នាំ | ២៩ដង | Man Utd |
| ខ្សែបម្រើ | Tom Cleverley | ២៤ឆ្នាំ | ១១ដង | Man Utd |
| ខ្សែបម្រើ | Jack Wilshere | ២១ឆ្នាំ | ១០ដង | Arsenal |
| ខ្សែបម្រើ | Ross Barkley | ១៩ឆ្នាំ | ១ដង | Everton |
| ខ្សែបម្រើ | Andros Townsend | ២២ឆ្នាំ | ០ដង | Spurs |
| ខ្សែប្រយុទ្ធ | Wayne Rooney | ២៧ឆ្នាំ | ៨៤ដង (រកបាន៣៦គ្រាប់) | Man Utd |
| ខ្សែប្រយុទ្ធ | Jermain Defoe | ៣១ឆ្នាំ | ៥៤ដង (រកបាន១៩គ្រាប់) | Spurs |
| ខ្សែប្រយុទ្ធ | Danny Welbeck | ២២ឆ្នាំ | ១៨ដង (រកបាន៨គ្រាប់) | Man Utd |
| ខ្សែប្រយុទ្ធ | Daniel Sturridge | ២៤ឆ្នាំ | ៦ដង (រកបាន១គ្រាប់) | Liverpool |
| ខ្សែប្រយុទ្ធ | Rickie Lambert | ៣១ឆ្នាំ | ៣ដង (២គ្រាប់) | Southampton |
0 comments:
Post a Comment