Samuel Eto’o ដែលធ្លាប់ប្រកាសចូលនិវត្តន៍ពីក្រុមជម្រើសជាតិកាមេរ៉ូននាពេលកន្លងមកនោះ ពេលនេះបានផ្លាស់ប្ដូរចិត្តចូលលេងឲ្យជម្រើសជាតិរបស់ខ្លួននេះវិញហើយ។ ខ្សែប្រយុទ្ធក្លិបតោខៀវ Chelsea រូបនេះ នឹងត្រូវចូលលេងក្នុងវគ្គជម្រុះ FIFA World Cup 2014 តំបន់អាហ្រ្វិកនាថ្ងៃអាទិត្យខាងមុខនេះ។
កាមេរ៉ូនបានឡើងដល់វគ្គ Play-off ដោយត្រូវប៉ះ ទុយណេស៊ី ដូច្នេះប្រសិនបើទទួលជ័យជម្នះ ក្រុមនេះនឹងអាចបានកៅអីទៅប្រេស៊ីលតែម្ដង។ ជើងទី១នៅទឹកដីទុយណេស៊ី នឹងត្រូវធ្វើឡើងនៅថ្ងៃទី១៣តុលា ខណៈជើងទី២នៅទឹកដីកាមេរ៉ូនវិញនៅថ្ងៃទី១៧ ខែវិច្ឆិកា ឆ្នាំ២០១៣។
Eto’o កាលលេងឲ្យកាមេរ៉ូននាពេលកន្លងមក
Eto’o បានចូលលេងក្នុងជម្រើសជាតិកាមេរ៉ូនលើកដំបូងកាលពីឆ្នាំ១៩៩៧ ប៉ុន្តែកីឡាករវ័យ៣២ឆ្នាំដែលឈ្នះពានកីឡាករល្អបំផុតប្រចាំទ្វីបអាហ្រ្វិក៤ដងរូបនេះ បានប្រាប់ទៅសមាជិកក្រុមថាខ្លួនចូលនិវត្តន៍កាលពីខែមុននេះ។ ខ្សែប្រយុទ្ធធ្លាប់តែមុតស្រួចរូបនេះ បានលេងឲ្យក្លិបធំៗជាច្រើននៅអឺរ៉ុប ដូចជា Real Madrid, Mallorca, Barcelona, Inter Milan និង Anzhi Makhachkala មុនចូលលេងនៅ Chelsea។
0 comments:
Post a Comment