ខ្សែបម្រើក្លិបបិសាចក្រហម Manchester United, Marouane Fellaini អាចនឹងសម្រាកព្យាបាលរបួសដល់ទៅ៧សប្ដាហ៍ ឬហូតដល់ខែធ្នូទើបអាចត្រលប់ចូលលេងវិញបាន។ ប៉ុន្តែក្រោយពេលទំព័រ Facebook ផ្លូវការរបស់ Man Utd បង្ហោះព័ត៌មាននេះ បែរជាមានប្រតិកម្មជាច្រើនពីអ្នកគាំទ្រក្លិបនេះក្នុងន័យអវិជ្ជមានទៅវិញ ពោលគឺមិនមែនជាសារជូនពរឲ្យកីឡាករបែលហ្សិកសក់ច្រើនរូបនេះឆាប់ជានោះទេ។
Fellaini (ក្រហម) ពេលប្រកួតកន្លងមក
នៅក្នុងការប្រកាសព័ត៌មាននោះដែរ ក៏មានឃ្លាបញ្ជាក់ឲ្យអ្នកគាំទ្រចូលរួមជូនពរ Fellaini ឲ្យឆាប់ជាផងដែរ គឺ “Join us in wishing Fellaini a swift recovery”។ ប៉ុន្តែអ្វីដែលក្រុមអ្នកគាំទ្រមួយចំនួនសរសេរ Comment តបវិញ គឺខ្លះសរសេរថាជាដំណឹងល្អ ខ្លះទៀតបន់ឲ្យរបួសយូរជាងនេះទៅវិញ។ ចង់ដឹងច្បាស់ សូមមើល comment អវិជ្ជមានមួយចំនួនដូចខាងក្រោមនេះ៖
យ៉ាងណាក្ដី ក្រៅពី comment អវិជ្ជមានខាងលើ ក៏មានអ្នកគាំទ្រមួយចំនួនសរសេរក្នុងន័យវិជ្ជមានខ្លះដែរ។
បើយោងតាមអ្នកចាត់ការ David Moyes បានឲ្យដឹងថា Fellaini រងរបួសកដៃ ដែលអាចឆ្លងកាត់ការវះកាត់។ កីឡាករដែល Man Utd ទិញពី Everton ក្នុងតម្លៃ២៧,៥លានផោនរូបនេះ ត្រូវព្យាបាលដោយក្រុមវេជ្ជបណ្ឌិតក្រុមជម្រើសជាតិបែលហ្សិក។ ក្រៅពីខកខានលេងឲ្យ Man Utd ខ្សែបម្រើវ័យ២៥ឆ្នាំ ក៏នឹងមិនអាចលេងឲ្យជម្រើសជាតិបែលហ្សិកក្នុងវគ្គជម្រុះ World Cup ទល់នឹងក្រូអាត និងវែលផងដែរ។
Fellaini បានបង្ហាញខ្លួនក្នុងជម្រើស១១នាក់ដំបូងបាន៣ប្រកួត និងលេងជាកីឡាករបម្រុងចំនួន២ប្រកួត។ សម្រាប់ប្រិយមិត្តវិញ មានអ្វីនិយាយដែរ?
0 comments:
Post a Comment