វិធីសាស្ត្រ១០យ៉ាងដើម្បីបន្ថយការឈឺក
.jpg)
មធ្យោបាយងាយស្រួលខាងក្រោមនេះអាចជួយបន្ថយអាការៈឈឺក និងបន្ថយការរមាស់កយ៉ាងឆាប់រហ័ស។ ការឈឺកអាចជាសញ្ញាដំបូងនៃជំងឺផ្តាសាយ, ជាផលរំខាននៃការប៉ះពាល់នឹងប្រអប់សម្លេង ឬជាការចង្អុលបង្ហាញនៃបញ្ហាធ្ងន់ធ្ងរដូចជា ជំងឺរលាកបំពង់កជាដើម។
បើមិនមើលទៅលើមូលហេតុ, ការព្រួយបារម្ភរបស់អ្នកកើតមានថាតើនៅពេលណាដែលការឈឺនឹងត្រូវបានធូរស្រាល ហើយថាតើវាលឿនប៉ុណ្ណា។ វេជ្ជបណ្ឌិត ជេហ្វ្រៃ លីដឺរ (Jeffrey Linder) បាននិយាយថា អ្នកអាចប្រហែលជារត់ទៅជួបនឹងគ្រូពេទ្យ ប៉ុន្តែការព្យាបាលល្អបំផុតមួយចំនួនគឺ ការព្យាបាលនៅផ្ទះ និងប្រើថ្នាំដែលអាចទិញបាននៅតាមឪសថស្ថាន។
ខាងក្រោមនេះគឺជាមធ្យោបាយ១០យ៉ាងដែលអ្នកអាចសាកល្បងនៅពេលដែលអ្នកមានអារម្មណ៍រមាស់ក ឬឈឺក។
ថ្នាំប្រឆាំងនឹងការរលាក
ការព្យាបាលមួយក្នុងការព្យាបាលដែលមានប្រសិទ្ធភាពបំផុតនៃការឈឺកនោះ គឺការប្រើថ្នាំប្រឆាំងនឹងការរលាកដូចជា ថ្នាំ Advil ឬAleve ជាដើម។
វេជ្ជបណ្ឌិត លីនដឺរបាននិយាយថា ថ្នាំទាំងនេះគឺជាថ្នាំបំបាត់ការឈឺចាប់ និងប្រឆាំងនឹងការរលាក ដូចនេះវានឹងធ្វើអោយអ្នកមានអារម្មណ៍ធូរស្រាល និងពួកវាក៏បន្ថយការហើមដែលត្រូវបានផ្សារភ្ជាប់ទៅនឹងការឈឺកផងដែរ។ ប្រសិនបើអ្នកមានគ្រុនក្តៅដែលនាំអោយអ្នកមានរោគសញ្ញានោះ, ពួកវាក៏អាចបន្ថយរោគសញ្ញាទាំងនោះបានផងដែរ។
ទឹកខ្ពុរមាត់ផ្សំជាមួយនឹងទឹកអំបិល
ការស្រាវជ្រាវជាច្រើនបានរកឃើញថា ការខ្ពុលមាត់ជាច្រើនដឹងក្នុងមួយថ្ងៃជាមួយនឹងទឹកអំបិលអាចបន្ថយការហើមនៅក្នុងបំពង់ក និងជួយកម្ចាត់ចេញបាក់តេរីផងដែរ។
ជាទូទៅគ្រូពេទ្យណែនាំអោយលាយកន្លះស្លាបព្រាកាហ្វេនៃអំបិលនៅក្នុងទឹក។ ប្រសិនបើរសជាតិប្រៃមិនសាកសមសម្រាប់អ្នក, សាកល្បងបន្ថែមទឹកឃ្មុំបន្តិចលាយបន្ថែមជាមួយវា។
ថ្នាំឈឺបំពង់ក និងស្ព្រៃ
ទឹកសឺរ៉ូក្អកភ្ញោចអោយបញ្ចេញទឹកមាត់ ដែលអាចជួយអោយបំពង់ករបស់អ្នកសើម។ ប៉ុន្តែការប្រែប្រួលជាដើមគឺមិនមានប្រសិទ្ធភាពជាងគ្នាប៉ុន្មាននោះទេ។ សម្រាប់អត្ថប្រយោជន៍បន្ថែម, សូមជ្រើសរើសផលិតផលដែលធ្វើអោយស្ពឹក និងត្រជាក់ ដូចជាពពួកមេនថុលជាដើម។
ស្ព្រៃដូចជា Chloraseptic បង្កើតឥទ្ធិពលស្រដៀងគ្នាទៅនឹងថ្នាំឈឺបំពង់កដែរ។ ពួកវាមិនព្យាបាលលើការឈឺក ឬជួយប្រយុទ្ធប្រឆាំងនឹងជំងឺផ្តាសាយនោះទេ ប៉ុន្តែវាអាចជួយបំបាត់ការឈឺមួយរយៈពេលខ្លី។ Chloraseptic គឺជាអ្នកទប់ទល់នឹងមេរោគដែលមានមុខងារប្រឆាំងនឹងបាក់តេរី។
សឺរ៉ូមក្អក
ទោះបីជាអ្នកមិនទាន់មានក្អកក៏ដោយ, ប៉ុន្តែសឺរ៉ូមក្អកអាចជួយបន្ថយការឈឺបាន។ វាបន្ថយការឈឺចាប់បណ្តោះអាសន្នបាន។
ប្រសិនបើអ្នកមានបញ្ហាក្នុងការគេងដោយសារតែការឈឺក, ថ្នាំដូចជា NyQuil (ដែលបន្ថយការឈឺចាប់ និងប្រឆាំងនឹងអ៊ីស្តាមីន) ឬថ្នាំ Robitussin AC អាចបន្ថយការឈឺចាប់ និងជួយអោយគេងលក់ស្រួល។
ជាតិទឹក
លីនដឺរបាននិយាយថា ការមានជាតិទឹកគ្រប់គ្រាន់គឺជារឿងសំខាន់ ជាពិសេសនៅពេលដែលអ្នកឈឺ និងបំពង់ករបស់អ្នកត្រូវបានរលាក ឬហើម។ អ្នកគួរតែផឹកទឹកអោយបានច្រើន ដូចនេះទឹកនោមរបស់អ្នកគឺលឿងថ្លា។
នេះផ្តល់អោយភ្នាសរបស់អ្នកសើម និងផ្តល់ភាពប្រសើរឡើងដល់ការប្រយុទ្ធប្រឆាំងនឹងបាក់តេរី និងភ្នាក់ងារបង្កអោយរលាក ហើយធ្វើអោយខ្លួនរបស់អ្នកប្រសើរឡើងដើម្បីទប់ទល់ប្រឆាំងនឹងរោគសញ្ញានៃជំងឺផ្តាសាយ។
អ្វីដែលអ្នកផឹក គឺសម្រេចលើអ្នក។ ទឹកគឺល្អ ប៉ុន្តែអ្នកអាចធ្វើការផ្លាស់ប្តូរម្តងម្កាលនូវភេសជ្ជៈដែលមានជាតិស្ករជាដើម។
តែ
អស់កម្លាំងនឹងការផឹកទឹក? ទឹកតែក្តៅឧណ្ណៗអាចជួយបន្ថយអាការៈឈឺកបានផងដែរ។ អ្វីបន្ថែមនោះ គឺអាចផ្សំពីភ្នាក់ងារប្រឆាំងនឹងអុកស៊ីតកម្មដែលវាត្រូវបានគេគិតថាផ្តល់អោយប្រព័ន្ធភាពស៊ាំរឹងមាំ និងប្រឆាំងនឹងការឆ្លងមេរោគ។
ចំពោះការបន្ថែមប្រសិទ្ធភាពរបស់វា, សូមបន្ថែមទឹកឃ្មុំមួយស្លាបព្រាចូលទៅក្នុងនោះ។ វាក៏ជួយអោយឆាប់ធូរស្រាលលឿនផងដែរ។
ស៊ុបមាន់
ការព្យាបាលនៅផ្ទះពីបុរាណមកចំពោះជំងឺផ្តាសាយនោះគឺស៊ុបមាន់។ ស៊ុបមាន់អាចជួយបន្ថយការឈឺកបានផងដែរ។ សូដ្យូមនៅក្នុងនោះអាចមានឥទ្ធិពលប្រឆាំងនឹងការរលាក ហើយវាក៏ផ្តល់អោយអ្នកនូវអារម្មណ៍ល្អផងដែរ។
ស្ករកៅស៊ូ
ទោះបីជាវាមិនមានការបង្ហាញណាថា វាមានប្រសិទ្ធភាពក៏ដោយ, ប៉ុន្តែស្ករកៅស៊ូដែលត្រូវបានផលិតចេញពីរុក្ខជាតិត្រូវបានគេប្រើប្រាស់អស់រយៈពេលជាច្រើនឆ្នាំ ដើម្បីព្យាបាលការក្អក, ជំងឺផ្តាសាយ និងការឈឺក។
ដោយយោងតាមការស្រាវជ្រាវបានអោយដឹងថា, ស្ករកៅស៊ូប្រភេទនោះអាចជួយបន្ថយអាការៈឈឺកបានដោយសារតែវាមានជាតិហ្សេឡាទីន។ ប្រសិនបើបំពង់ករបស់អ្នកហើមខ្លាំង ហើយវាឈឺនៅពេលដែលលេបនោះ, ស្ករកៅស៊ូនេះអាចផ្តល់នូវការធូរស្រាលបាន។
សម្រាក
វាមិនមែនជាមធ្យោបាយភ្លាមៗបំផុតនោះទេ ប៉ុន្តែការសម្រាកគឺជារឿងល្អបំផុតដែលអ្នកអាចធ្វើបានដើម្បីទប់ទល់នឹងការឆ្លងមេរោគដែលបានបង្កអោយទៅជាការឈឺក។
ករណីភាគច្រើននៃការឈឺកត្រូវបានបង្កឡើងដោយពពួកមេរោគវីរុស ហើយយើងដឹងថា វាមានរឿងតិចតួចណាស់ដែលអ្នកអាចធ្វើដើម្បីព្យាបាលជំងឺផ្តាសាយនោះនៅពេលដែលយើងកើតជំងឺនេះ។ ការប្រាកដថា ខ្លួនរបស់អ្នកបានសម្រាកបានគ្រប់គ្រាន់នឹងយ៉ាងហោចណាស់ជួយទប់ទល់ប្រឆាំងនឹងវីរុស ដូចនេះអ្នកនឹងអាចឆាប់ជាសះស្បើយ។
ថ្នាំអង់ទីប៊ីយោទិច
ប្រហែលជា១០%, ការឈឺកនឹងត្រូវបានបង្កដោយការឆ្លងមេរោគបាក់តេរីដូចជាពពួកមេរោគ Streptococcus pyogenes។ ប្រសិនបើអ្នកធ្វើតេស្តទៅវិជ្ជមានថាការឈឺករបស់អ្នកបង្កឡើងដោយមេរោគបាក់តេរីនោះ, គ្រូពេទ្យគួរតែចេញវេជ្ជបញ្ជាថ្នាំអង់ទីប៊ីយោទិចដល់អ្នក។
សូមប្រើថ្នាំទៅតាមការណែនាំរបស់គ្រូពេទ្យ ទោះបីជាអ្នកមានអារម្មណ៍ថាប្រសើរក៏ដោយក្រោយពីពីរ ឬបីថ្ងៃក្រោយប្រើនោះ៕
0 comments:
Post a Comment