ហេតុផលចម្លែកៗដែលធ្វើអោយឈាមអញ្ជាញធ្មេញ
.jpg)
តើការឈាមអញ្ចាញធ្មេញអាចបណ្តាលមកពីបញ្ហាផ្សេងក្រៅពីការដុសធ្មេញ និងប្រើអំបោះរុះធ្មេញទៀងទាត់ដែរទេ? វាអាចមានហេតុផលច្រើននៅពីក្រោយរឿងនេះ ខ្លះអាចជាជំងឺ ហើយខ្លះទៀតអាចដោយសារតែហេតុផលចម្លែកផ្សេងៗទៀត។ បើសិនជាអញ្ចាញធ្មេញចាប់ផ្តើមហូរឈាម ហើយមិនបានព្យាបាល មេរោគនៅជុំវិញធ្មេញនឹងជ្រៀតចូលទៅក្នុងដំបៅ, ឆ្លងចូលទៅក្នុងចរន្តឈាម និងក្លាយទៅជាការបង្ករោគពេញខ្លួនតែម្តង។ ជំងឺមួយចំនួនដែលធ្វើអោយឈាមអញ្ចាញធ្មេញមានដូចជា ការរលាកអញ្ជាញធ្មេញ, ការរលាកនៅជុំវិញធ្មេញ, ការហូរឈាមមិនធម្មតា, Idiopathic Thrombocytopenic Purpura, ការបង្ករោគ, ជំងឺមហារីកគ្រាប់ឈាមស, ជំងឺអញ្ចាញធ្មេញដោយសារតែកង្វះវីតាមីន C និងជំងឺកង្វះវីតាមីន K។
ខាងលើនេះជាជំងឺដែលនាំអោយឈាមអញ្ចាញធ្មេញ ឥឡូវនេះខ្ញុំនឹងជម្រាប់អំពីហេតុផលចម្លែកៗដែលធ្វើអោយឈាមអញ្ចាញធ្មេញវិញម្តង៖
ការមានផ្ទៃពោះ៖ ក្នុងពេលមានផ្ទៃពោះ ដោយសារតែបម្រែបម្រួលអ័រម៉ូនធ្វើអោយស្ត្រីមួយចំនួនងាយនឹងឈាមអញ្ចាញធ្មេញណាស់។ អាការៈនេះហៅថា ការមានផ្ទៃពោះធ្វើអោយឈាមអញ្ជាញធ្មេញ។ ជាធម្មតា វាច្រើនតែកើតឡើងនៅខែទី ៣ ដល់ខែទី៦នៃការមានផ្ទៃពោះ។ បើសិនជាមិនបានព្យាបាលទេ វាអាចនឹងបង្កជាផលវិបាកជាច្រើន ព្រមទាំងសម្រាលកូនមិនគ្រប់ខែទៀតផង។
ការជក់បារី៖ មែនហើយ ការជក់បារីគឺជាហេតុផលដ៏ចម្លែកមួយផ្សេងទៀតដែលធ្វើអោយឈាមអញ្ចាញធ្មេញ។ ជាតិពុលក្នុងបារីទៅកាត់បន្ថយសមត្ថភាពប្រព័ន្ធភាពស៊ាំ និងបង្កជាការរលាកបាន។ មិនមែនមានតែមួយនេះទេ ការជក់បារីរ៉ាំរ៉ៃអាចនាំអោយអញ្ចាញធ្មេញលូតលាស់មិនធម្មតា ដែលជាហេតុរំខានដល់ការទទួលបានជីវជាតិទៅចិញ្ចឹមអញ្ចាញធ្មេញនោះ។
ស្ត្រេស៖ បើសិនជាអ្នកស្ត្រេសដោយសារតែធ្វើការ ឬហេតុផលផ្សេងៗទៀត រឿងនេះអាចជាហេតុផលនៃការហូរឈាមអញ្ចាញធ្មេញដែរ។ ស្ត្រេសទៅរំខានដល់យន្តការរបស់រាងកាយដើម្បីអោយអញ្ចាញធ្មេញជាសះស្បើយ ព្រមទាំងបង្កការរលាកដែលរំខានដល់ការស្រោចស្រពឈាមទៅអញ្ចាញធ្មេញបាន។ ការរំខាននេះធញវើអោយជាលិការទន់ៗខូចខាត និងក្លាយទៅជាអំណះអំណាងដែលបញ្ជាក់ថា វាគឺជាហេតុផលដ៏ចម្លែកធ្វើអោយឈាមអញ្ចាញធ្មេញ៕
0 comments:
Post a Comment