ស្រ្តីម្នាក់ស្រវឹងស្រាជិះម៉ូតូកូនទាបុកខឿនផ្លូវនៅគល់ស្ពានអាកាស៧មករា របួសបែកមុខមាត់
រាជធានីភ្នំពេញ ៖ ស្រ្តីម្នាក់បានរងរបួសបែកមុខមាត់ ខណៈដែលរូបនាងស្រវឹងស្រា ហើយជិះម៉ូតូកូនទា ១គ្រឿង ពណ៌សលាយផ្ទៃមេឃ អត់មានស្លាកលេខ ធ្វើដំណើរតាមមហាវិថីសហព័ន្ធរុស្ស៊ី ក្នុងទិសដៅពីលិចទៅកើត លុះមកដល់គល់ស្ពានអាកាស ៧មករា ក៏បានរេចង្កូតទៅបុកខឿនផ្លូវ បណ្តាលឲ្យម៉ូតូដួលប្រាវតែម្តង។
ហេតុការណ៍នេះ បានកើតឡើងកាលពីវេលាម៉ោង ១១ និង ២០នាទី យប់ថ្ងៃទី១៥ តុលា ២០១៣ នៅចំណុចគល់ស្ពានអាកាស ៧មករា ស្ថិតក្នុងសង្កាត់ទឹកថ្លា ខណ្ឌសែនសុខ។ ក្រោយកើតហេតុ ស្រ្តីរងគ្រោះបានលើកម៉ូតូជិះបន្តដំណើរទៅបាត់៕
0 comments:
Post a Comment