បំផ្ទុះគ្រាប់បែកក្នុងរថភ្លើងសំលាប់មនុស្ស យ៉ាងហោចណាស់ ៧នាក់

ប៉ាគីស្ថាន៖ កាលពីម្សិលមិញនេះមានហេតុការណ៍បំផ្ទុះគ្រាប់ បែកមួយបានកើតឡើង ដែល បានបណ្តាលអោយមនុស្ស យ៉ាងហោចណាស់៧នាក់ស្លាប់បាត់បង់ជីវិត និងប្រមាណ ១៥នាក់ផ្សេងទៀតរងរបួសធ្ងន់-ស្រាល។ តាមប្រភពពត៌មាន  BBC បានអោយដឹងថា ហេតុការណ៍នេះកើតឡើងកាលពីព្រឹក ម្សិលមិញនេះ នៅក្នុងស្ថានីយរថភ្លើងនៅតំបន់ Balochistan ប្រទេសប៉ាគីស្ថាន ខណៈពេលដែល រថភ្លើងមួយគ្រឿងនេះ ធ្វើដំណើរពីតំបន់ Rawalpindi ទៅតំបន់ Quetta។ ក្រោយពី ហេតុការណ៍បំផ្ទុះគ្រាប់បែកនេះបានកើតឡើង ផ្លូវដែកទាំងអស់ ត្រូវបានបិទ ដើម្បីធ្វើការស៊ើបអង្កេត និងត្រួតពិនិត្យ។ គេនៅ មិនទាន់ដឹងច្បាស់នៅឡើយថា តើគ្រាប់បែកនោះបានបង្កប់នៅ តាមផ្លូវដែក រឺក៏បង្កប់ នៅក្នុងរថភ្លើងទេ?

Khmer-note