បុរសចិត្តសាហាវ កាប់កូនស្រីចុង និងប្រពន្ធដាច់ក្បាល ហើយកាត់ដៃទាំងសងខាងយកមកចងព្យួរបង្អួតសមត្ថកិច្ច
ខេត្តកំពង់ចាម ៖ មានហេតុការណ៍ដ៏គួរឲ្យតក់ស្លុតមួយបានកើតឡើង កាលពីម៉ោង១១និង១៥នាទីថ្ងៃត្រង់ថ្ងៃទី០១ ខែតុលា ឆ្នាំ២០១៣ ស្ថិតនៅក្នុងភូមិត្រពាំងបឹង ឃុំថ្មពូន ស្រុកព្រៃឈរ ដោយសារតែមានបុរសម្នាក់ បានយកកាំបិតផ្គាក់កាប់កូនស្រីចុងដាច់ក្បាល និងកាប់ប្រពន្ឋស្ទើរដាច់.ក ហើយមិនអស់ចិត្ត ថែមទាំងកាច់ផ្តាច់ដៃប្រពន្ធទាំងសងខាង បណ្តាលឲ្យស្លាប់យ៉ាងអាណោចអាធ័ម។
បើតាមប្រភពព័ត៌មានពីកន្លែងកើតហេតុបានឲ្យដឹងថា បុរសដែលចិត្តសាហាវឃោរឃៅកាប់សម្លាប់ប្រពន្ធកូនគ្មានញញើតដៃនេះមានឈ្មោះ ឡាំង ពិសេស ហៅសែ អាយុ ៤៨ឆ្នាំ រីឯកូនស្រីដែលត្រូវជាកូនរបស់ប្តីមុនមានឈ្មោះ មួន ចិន្តា អាយុ២០ឆ្នាំ និង ប្រពន្ឋឈ្មោះ សេក ធូរ អាយុ ៤៧ឆ្នាំ ត្រូវប្តីកាប់ស្ទើរដាច់.ក និងដាច់ដៃទាំងសងខាង។
ប្រភពដដែលបានបន្តឲ្យដឹងទៀតថា មុនពេលកើតហេតុគេបានឮសំឡេងឈ្លោះប្រកែកគ្នា ចេញពីផ្ទះជនរងគ្រោះ ប៉ុន្តែមិនដឹងថាមានរឿងអ្វីនោះទេ។ លុះមួយសន្ទុះក្រោយមក ស្រាប់តែសម្រែកគេស្រែកឲ្យជួយ ពេលនោះប្រជាពលរដ្ឋក៏បាននាំគ្នាទៅមើល ប៉ុន្តែជនរងគ្រោះ២នាក់ម្តាយនិងកូនបានស្លាប់បាត់បង់ជីវិតទៅហើយ។
ភ្លាមៗនោះប្រជាពលរដ្ឋជាច្រើន បាននាំគ្នាធ្វើការឡោមព័ទ្ធផ្ទះខាងលើ ដើម្បីកុំឲ្យជនសង្ស័យរត់គេចខ្លួន ចំណែកខាងសមត្ថកិច្ចក៏បានធ្វើការនិយាយលួងលោមឲ្យជនសង្ស័យចុះមកប្រគល់ខ្លួនតាមសម្រួល ប៉ុន្តែជនសង្ស័យមិនព្រមស្តាប់ ថែមទាំងបានកាត់ដៃរបស់ប្រពន្ធទាំង២ យកមកព្យួរបង្អួតសមត្ថកិច្ចនិងប្រជាពលរដ្ឋ។ ដោយសារតែទប់កំហឹងមិនបាន ប្រជាពលរដ្ឋក៏បាននាំគ្នាយកដុំថ្មគប់ជនរងគ្រោះ និងបាននាំគ្នាសម្រុកឡើងទៅវាយទាត់ធាក់ជនរងគ្រោះរហូតស្លាប់បាត់បង់ជីវិតនៅខាងមុខផ្ទះ។
បន្ទាប់ពីកើតហេតុ កម្លាំងសមត្ថកិច្ចជំនាញបានចុះទៅកន្លែងកើតហេតុ ដើម្បីធ្វើការត្រួតពិនិត្យ។ ចំណែកសាកសពទាំង៣នាក់ ត្រូវបានគេបញ្ជូនយកទៅតម្កល់ទៅនៅវត្ត ដើម្បីរង់ចាំធ្វើបុណ្យទៅតាមប្រពៃណីសាសនា៕
ប្រភពពី៖ www.watphnom-news.com
0 comments:
Post a Comment