យូរី និង អាន គុណកូឡា ច្បាស់មែនទែនហើយ..!
បើទោះបីជាតារាចំរៀងទាំងពីរ ជាពិសេស កញ្ញា យូរីធ្លាប់បានបដិសេធអំពីទំនាក់ទំនងស្នេហារវាងនាងនិង លោកអាន គុណកូឡាក៏ដោយ ក៏ជារឿយៗគេតែងឃើញអ្នកទាំងពីរបង្ហាញវត្តមានស្និទ្ធស្នាលនឹងគ្នាយ៉ាងចំលែក។
តួយ៉ាងដូចពេលនេះ នៅលើ Account Facebook របស់ លោក អាន គុណកូឡា តារាចម្រៀងល្បីឈ្មោះគួរសម ប្រចាំផលិតកម្ម សាន់ដេ បានបង្ហោះរូបជាច្រើនសន្លឹក ក្នុងកាយវិការកៀកកើយឱបរឹត ជាមួយស្រីស្អាតមុខស្រស់ កញ្ញា យូរី មើលទៅប្រៀបបី ដូចជាគូស្នេហ៍ថ្មោងថ្មី ទាំងដែលកន្លងមកពួកគេទាំងពីរ ធ្លាប់តែចេញមុខប្រកាសក្តែងឲ្យថា ពួកគេមិនមានទំនាក់ទំនងស្នេហាជាមួយគ្នានោះទេ នេះបើតាមការរៀបរាប់របស់គេហទំព័រ Looking Today។
តាមមតិរបស់អ្នកជិតស្និទ្ធឹនឹងសិល្បៈថា អ្នកទាំងពីរអាចនឹងធុញទ្រាន់ព្រោះតែពាក្យចចាមអារ៉ាមរឿងទំនាក់ទំនងស្នេហានឹងគ្នាពេក ទើបបង្ហោះរូបកៀកកើយបែបនេះ ដើម្បីថ្កើនទៅគេវិញ តែការធ្វើនេះ ត្រូវបានមហាជនជឿថា គេពិតជាកាន់តែច្បាស់មែនទែនហើយ បើទោះជាធ្លាប់បានបដិសេធថា គ្រាន់ជាមិត្តជិតស្និទ្ធឹក៏ដោយ។
សូមអាន យូរីថា «ខ្ញុំនឹងបង អាន គុណកូឡា មិនពិតទេ»
រឺអានផងដែរ ចំណងស្នេហ៌ យូរី និងអាន គុណកូឡា ដល់ណាហើយ?
សូមបញ្ជាក់ថា អ្នកទាំងពីរ ត្រូវគេដឹងថា បានចាប់ផ្តើមមានចិត្តលើគ្នា បន្ទាប់ពីលោក អាន គុណកូឡា សារភាពស្នេហ៌ត្រង់ៗទៅកាន់យូរី តែពេលនោះ យូរី ហាក់មានអារម្មណ៌ស្ទាក់ស្ទើ តែក៏មិនបានបដិសេធដែរ ជាហេតុធ្វើឲ្យទស្សនិកជនយល់ថា នាងក៏មានចិត្តលើ អាន គុណកូឡាដែរ។ តែមួយរយៈចុងក្រោយនេះ គេពុំសូវឃើញអ្នកទាំងពី ចេញទៅណាមកណាទេ ហើយថែមទាំងលេចលឺចចាមអារ៉ាមថា យូរី មិនហ៊ានចេញដើរជាមួយ លោកកូឡាទេ ព្រោះខ្លាចមានការយល់ច្រឡំច្រើនជាងនេះ។ យ៉ាងនេះ មានន័យថា យូរីនៅមិនទាន់សម្រេចចិត្តនៅឡើយទេ តើមែនទេ?
ប្រភពពី៖ www.neavea.com
0 comments:
Post a Comment