បន្លែពណ៌បៃតងជួយបន្ថយការប្រឈមនឹងជំងឺទឹកនោមផ្អែម
ការទទួលទានបន្លែពណ៌បៃតងតែងតែមានទំនាក់ទំនងនឹងអត្ថប្រយោជន៍ដ៏អស្ចារ្យចំពោះសុខភាព ហើយការសិក្សាក៏បានបញ្ជាក់អំពីឥទ្ធិពលនេះចំពោះការបង្ការជំងឺទឹកនោមផ្អែមផងដែរ។ បើយោងទៅតាមការសិក្សាដែលធ្វើឡើងដោយអ្នកវិទ្យាសាស្ត្រមកពីសាកលវិទ្យាល័យ Leicester បានអោយដឹងថា របបអាហារដែលមានបន្លែពណ៌បៃតងច្រើនពិតជាជួយកាត់បន្ថយការប្រឈមនឹងជំងឺទឹកនោមផ្អែមយ៉ាងពិសេស។
ចំពោះបន្លែដែលមានពណ៌ខុសពីបៃតងដូចជាមិនមានឥទ្ធិពលជួយកាត់បន្ថយការប្រឈមនឹងជំងឺទឹកនោមផ្អែមសោះ ប៉ុន្តែការញ៉ាំបន្លែពណ៌បៃតងជារៀងរាល់ថ្ងៃ ត្រូវបានគេរកឃើញថា ជួយកាត់បន្ថយការប្រឈមនឹងជំងឺទឹកនោមផ្អែមរហូតដល់ ១៤ភាគរយ។ ការសិក្សាទៅលើមនុស្សចំនួន ២២០០០០នាក់ ដែលជាការស្រាវជ្រាវទ្រងទ្រាយធំបានធ្វើអោយការរកឃើញនេះមានការវិភាគយ៉ាងទូលំទូលាយមួយ។
អ្នកស្រាវជ្រាវជាច្រើនមិនបានផ្តល់នូវមូលហេតុពិតប្រាកដណាមួយចំពោះរឿងនេះទេ ប៉ុន្តែពួកគេប៉ាន់ស្មានថា បន្លែទាំងអស់នេះផ្ទុកទៅដោយសារធាតុអង់ទីអុកស៊ីដង់យ៉ាងច្រើន ហើយប្រហែលជាមានជាតិម៉ាញ៉េស្យូមខ្ពស់ទៀតផង។ ការទទួលទានស្ពៃពណ៌បៃតង និងជីវ៉ាន់ស៊ុយ គឺជារបបអាហារមួយចំនួនដែលស្ថិតនៅក្រោមការស្រាវជ្រាវ។ សមាសធាតុអង់ទីអុកស៊ីដង់នៃសារធាតុ Beta-Carotene, វីតាមីន C Sand Polyphenols ត្រូវបានគេរកឃើញក្នុងបន្លែទាំងនេះ ព្រមទាំងមានជាតិម៉ាញ៉េស្យូម និងខ្លាញ់ប្រភេទ Polyunsaturated Fatty Acids សម្រាប់ជួយអោយមានសុខភាពល្អ និងបង្ការជំងឺទឹកនោមផ្អែមទៀតផង៕
0 comments:
Post a Comment