ឆ្កែ បិះរឹតក. ងាប់ ដោយសារតែជណ្ដើរយន្ដប្រអប់ (មានវីដេអូ)

នេះជាមេរៀនមួយ ដែលអ្នកចិញ្ចឹមសត្វគួរ តែយកកចិត្ដទុកដាក់ និងមានការប្រុងប្រយ័ត្ន នៅពេលដែលចង់ដឹកសត្វចិញ្ចឹម ចូលទៅក្នុងជណ្ដើរយន្ដប្រអប់តាម រយៈការចងក.ឆ្កែ នឹងខ្សែនោះ។

កាលពីពេលថ្មីៗនេះ វីដេអូមួយខ្សែត្រូវបាន បញ្ចូលនៅក្នុង ហ្វេកប៊ុក និងទទួលបានការចែកចាយយ៉ាងច្រើន។ ដោយ វីដេអូនេះបានបង្ហាញ ពីស្ដ្រីម្នាក់ ដឹកឆ្កែចូលទៅក្នុង ជណ្ដើរយន្ដប្រអប់ នៅក្នុងអគារមួយកន្លែង ដែលមិនបានបញ្ជាក់ពីទីតាំងពិតប្រាកដ ខណៈពេលដែលស្ដ្រីនេះប្រើខ្សែចងក.ឆ្កែនេះ រួចអូសចូលទៅក្នុងជណ្ដើរនេះ។ អ្វីដែលមិនគួរឲ្យជឿនោះ គឺឆ្កែនេះមិនទាន់នឹងចូល ក្នុងជណ្ដើរយន្ដផង ស្រាប់តែទ្វារនៃជណ្ដើរយន្ដក៏បានបិទ ស្របពេលដែលឆ្កែនៅខាងក្រៅទ្វារ និងស្ដ្រីជាម្ចាស់ ដែលកាន់ខ្សែនេះ នៅខាងក្នុងទ្វារទៅវិញនោះ។ 

នេះជាហេតុការណ៏សំណាងមួយ ដែលនៅពេលដែលជណ្ដើរយន្ដបានបិទទ្វារ និងធ្វើដំណើរទៅជាន់ខាងលើនោះ គឺមានបុរសចំណាស់ម្នាក់ផ្សេងទៀត នៅខាងក្រៅ និងបានជួយផ្ដាច់ ចំណងខ្សែទាក់ក.ឆ្កែនេះ ដែលបានអូសឡើងទៅលើ ខណៈពេលដែលជណ្ដើរយន្ដកំពុងតែដំណើរការនោះ។ បើមិនដូច្នោះទេ ឆ្កែនេះនឹងត្រូវងាប់ ដោយសារតែ ខ្សែរឹតក. ជាក់ជាមិនខាន។ 

ចង់ដឹងយ៉ាងណា សូមទស្សនាវីដេអូទាំងអស់គ្នា៖