ក្រុមហ៊ុនស៊ីមេនកាតបន្ថយការងារ១៥០០០កន្លែងនៅឆ្នាំ២០១៤
មុយនិច៖ ក្រុមហ៊ុនទូរស័ព្ទយក្សអាល្លឺម៉ង់ស៊ីមេនបានបង្ហាញគម្រោងកាត់បន្ថយការងារចំនួន១៥០០០កន្លែង នៅឆ្នាំ២០១៤ នេះបើតាមអ្នកនាំពាក្យក្រុមហ៊ុនកាលពីថ្ងៃអាទិត្យថ្មីៗនេះ។
លោក Joe Kaeser នាយកប្រតិបត្តិថ្មីប្រចាំក្រុមហ៊ុនវិស្វកម្មអឺរ៉ុប Siemens AG នឹងកាត់បន្ថយការងារច្រើនជាងការគ្រោងទុកជាបឋមដើម្បីបង្កើន ប្រាក់ចំណេញ បន្ទាប់ពីក្រុមហ៊ុននេះបានខកខានតាមមិនទាន់គូប្រជែងរបស់ខ្លួន ដូចជា ក្រុមហ៊ុន GE និងក្រុមហ៊ុន ABB ជាដើមផងដែរ។
លោក Oliver Santen អ្នកនាំពាក្យប្រចាំក្រុមហ៊ុន Siemens បានឲ្យដឹងថា ក្រុមហ៊ុននេះនឹងកាត់បន្ថយការងារចំនួន ១៥ ពាន់កន្លែងស្មើនឹង ៤ ភាគរយនៃកម្លាំងពលកម្មចំនួន ៣៧ ម៉ឺននាក់របស់ក្រុមហ៊ុននេះនៅទូទាំងពិភពលោក ហើយ ១ ភាគ ៣ នៃការកាត់បន្ថយការងារនេះនឹងធ្វើឡើងក្នុងទីផ្សារ នៅអាល្លឺម៉ង់។ ដំបូង Siemens មានផែនការកាត់បន្ថយការងារតែ ៨ ពាន់កន្លែងប៉ុណ្ណោះ តែឆ្នាំ២០១៤ មានរហូតដល់ទ្វេដង៕
0 comments:
Post a Comment