បើនិយាយពីតារាស្រីហូលីវូដសញ្ជាតិខ្មែរ Angelin Jolieប្រិយមិត្តភាគច្រើនច្បាស់ជានឹកដល់ភាពមានមេត្តាធម៌ និងចិត្តសប្បុរសធម៌របស់នាង ព្រោះនាងមិនត្រឹមតែបានសុំកូនខ្មែរឈ្មោះ Maddox មកចិញ្ចឹម និងបានជួយបង្កើតមូលនិធិជួយប្រទេសកម្ពុជាដ៏ច្រើននោះទេ នាងនិងគូដណ្ដឹងក៏បានបង្កើតមូលនិធិជួយដល់ពលរដ្ឋអាមេរិកដោយបានជួយសង់ផ្ទះដែលត្រូវបានព្យុះទីហ្វុងបំផ្លិចបំផ្លាញនាពេលកន្លងផងដែរ។ ក្រៅពីនេះ នៅមានការងារមនុស្សធម៌ជាច្រើនទៀត ដែលនាងបានធ្វើនាពេលកន្លងមកនៅជុំវិញពិភពលោក។
សូមចុចអាន៖ តារាស្រីហូលីវូដ១០រូបនេះ ពេលមានផ្ទៃពោះអីចឹងទៅនៅតែស្អាតទៀតអត់?
ប៉ុន្តែទស្សនិកជនប្រហែលជាមិនបានដឹងទេថា នៅពីក្រោយទឹកមុខដ៏ស្លូតបូត និងភាពសិចស៊ីរបស់នាង មានលាក់បង្កប់រឿងអាថ៌កំបាំង១០យ៉ាងដែលធ្វើអ្នកបានដឹងហើយភ្ញាក់ផ្អើលគ្រប់គ្នា៖
១. ដាក់កាំបិតក្នុងបន្ទប់គេង ៖ Angelina គឺជាមនុស្សម្នាក់ដែលចូលចិត្តកាំបិតបំផុតរហូតដល់នាងបានយកកាំបិតទៅទុកនៅក្នុងបន្ទប់គេងទៀតផង ដែលប្រការនេះហើយធ្វើឲ្យគេយល់ថា នាងជាប្រភេទមនុស្សចូលចិត្តប្រើអំពើហិង្សានៅក្នុងពេលរួមដំណេក។
២. យកឈាមមកស៊ីញ៉េ ៖ Angelina បានរៀបការជាមួយ Billy Bob កាលពីឆ្នាំ២០០០។ក្នុងទំនាក់ទំនងស្នេហារបស់អ្នកទាំងពីរ គឺកាលពី២០០១ ពួកគេបានយកឈាមមកស៊ីញ៉េលើបណ្ដាំមរតករបស់ពួកគេ។
៣. មិនចូលចិត្តឱប ៖ Jolie បានទទួលស្គាល់ថា មួយជីវិតនេះនាងមិនចូលចិត្តការឱបគ្នាទេ នាងថាកុំថាឡើយអ្នកដទៃសូម្បីតែម្ដាយនាងក៏នាងមិនចូលចិត្តឲ្យឱបនាងដែរ។ នាងថែមទាំងនិយាយទៀតថាគ្រាន់តែនិយាយពីរឿងឱបក៏ធ្វើឲ្យនាងពិបាកដកដង្ហើមដែរ។
៤. អាពាហ៍ពិពាហ៍លើកដំបូងសរសេរឈ្មោះកូនកំលោះដោយឈាមរបស់នាង ៖ មុនពេលរៀបការជាមួយ Billy Bob និងភ្ជាប់ពាក្យជាមួយ Brad Pitt អ្នកម្ដាយចិញ្ចឹមកូនខ្មែររូបនេះបានរៀបការជាមួយJohnny Lee Miller ជាតារាសម្ដែងរួមគ្នាជាមួយនាងក្នុងរឿង “Hackers” កាលពីឆ្នាំ១៩៩៦។ ក្នុងពិធីរៀបការកាលណោះ Jolie ស្លៀកខោពណ៌ខ្មៅអាវសដែលមានឆ្លាក់ឈ្មោះកូនកំលោះដោយឈាមរបស់នាងផ្ទាល់។
៥. មានសញ្ជាតិកម្ពុជា ៖ ក្នុងអំឡុងពេលថតភាពយន្តខ្នាតធំរឿង “Tomb Raider” តារារូបស្រស់នេះបានស្រលាញ់ចូលចិត្តប្រជាជន និងទឹកដីប្រទេសភូមិភាគអាស៊ីអាគ្នេយ៍មួយនេះណាស់។ Jolie បានចំណាយថវិកាជួយដល់សហគមន៍កម្ពុជាយ៉ាងច្រើនរហូតដល់ឆ្នាំ២០០៤ នាងបានទទួលសញ្ជាតិខ្មែរមួយទៀត។ សូមចុចអាន៖ កំពូលតារាសម្ដែងហូលីវូដសញ្ជាតិខ្មែរ Angelina Jolie រស់បានតែបីឆ្នាំទៀតទេ
៦. ស្នាមសាក់លើខ្លួនមានបង្កប់អត្ថន័យ ៖ ការសាក់លេខចំនួន ៧ជួរលើដៃឆ្វេងរបស់នាងគឺតំណាងឲ្យទីកន្លែងកំណើតគូដណ្ដឹង Brad Pitt រួមទាំងកូនៗទាំង៦នាក់របស់នាង ដែលក្នុងនោះមាន Maddox កុមារាកម្ពុជាម្នាក់ដែរ។
៧. អ្នកម្ដាយដ៏សាមញ្ញ ៖ ទោះជានាងជាតារាល្បីមានចំណូលខ្ពស់ប៉ុន្តែ Jolie បានប្រាប់ថា គ្រួសារនាងសាមញ្ញនិងធម្មតាបំផុត ម្យ៉ាងទៀតនាងក៏មិនខុសពីអ្នកម្ដាយដទៃដែរ គឺការដែលមានកូនច្រើននាក់នោះគឺនាងមានតួនាទីនាំពួកគេទៅបន្ទោរបង់នៅពេលពួកគេនៅក្មេងៗ។
៨. ចូលចិត្តទីខ្ពស់ ៖ នេះគឺជាមូលហេតុមួយដែលនាងបានចុះឈ្មោះហាត់រៀនបើកយន្តហោះ និងមានប័ណ្ណបើកបរជា Pilotយន្តហោះ មិនតែប៉ុណ្ណោះនាងថែមទាំងអាចបើកយន្តហោះចម្បាំងបានទៀតផង។ ក្នុងអំឡុងពេលដែល Brad Pitt រវល់ថតរឿងនៅទីឆ្ងាយ Jolie តែងតែបើកយន្តហោះដឹកកូនៗទៅលេង Brad ជានិច្ច។
៩. ចុះឈ្មោះត្រៀមទៅអវកាស ៖ Angelina និង Brad Pitt ក៏ស្ថិតនៅក្នុងចំណោមតារាល្បីដូចជា Leonado Dicaprio,Ashton Kutcher , Justin Bieber ជាដើមដែលបានចុះឈ្មោះដើម្បីធ្វើដំណើរទៅកាន់អវកាស។ សូមចុចអាន៖ ថាម៉េច Angelina Jolie និង Brad Pitt រៀបការរួចហើយ?
១០. មិត្តភាពជាមួយបងប្រុសស្អិតល្មួត ៖ អ្នកណាថា មានតែប្អូនប្រុសនិងបងប្រុសឬ ប្អូនស្រីនិងបងស្រីអាចស្រលាញ់ និងស្អិតស្នាលគ្នាបាន តែសម្រាប់ Angelina និងបងប្រុស James Havenវិញគឺខុសគ្នាពួកគេបានទាំងថើបមាត់គ្នាក្នុងកម្មវិធីប្រគល់រង្វាន់ Academy Awards កាលពីឆ្នាំ២០០០ទៀតផង។ James បានប្រាប់ថា គេមាននារីដ៏អស្ចារ្យដូចជា Jolie ក្នុងជីវិតរួចហើយដូច្នេះវាពិបាកខ្លាំងណាស់ចង់រកអ្នកណាម្នាក់ល្អដូចនាងសម្រាប់ជីវិតគេទៀតនោះ៕ សូមចុចអាន៖ តារាៗទាំងប្ដីទាំងប្រពន្ធរកចំណូលបានច្រើនបំផុតប្រចាំឆ្នាំ២០១៣
0 comments:
Post a Comment