បំពង់រាងស៊ីឡាំងធំមួយដែលបានកប់អស់រយៈពេល ៣០ឆ្នាំមកហើយនោះត្រូវបានគេប្រទះ និងជីកកកាយរកឃើញ mouse ដែលអតីតនាយកប្រតិបត្តិក្រុមហ៊ុន Apple លោក Steve Jobs ធ្លាប់បានប្រើប្រាស់នៅក្នុងពិធីធ្វើបទបង្ហាញកុំព្យូទ័រ Lisa របស់លោកតាំងពីឆ្នាំ១៩៨៣។
អាន៖ Tim Cook ថា ២ឆ្នាំទៀត Tablet វ៉ាដាច់ PC ហើយ
Mouse ដែលរកឃើញនៅក្នុងស៊ីឡាំង
កាលពីឆ្នាំ ១៩៨៣ លោកបានធ្វើបទបង្ហាញមួយនៅឯសន្និសីទអន្តរជាតិស្ដីពីការរចនាផលិតផលដែលមានឈ្មោះថា International Design Conference នៅក្នុងទីក្រុង Aspen រដ្ឋ Colorado សហរដ្ឋអាមេរិក។ រឿងដ៏ចៃដន្យបំផុតមួយបានកើតឡើង ហាក់ចង់ឆ្លុះបង្ហាញឡើងវិញដោយការប្រទះឃើញ Mouse ដែល Steve Jobs បានប្រើសម្រាប់ការធ្វើបទបង្ហាញនៅពេលនោះ។ នេះគឺជា Mouse ប្រើជាគូនឹងកុំព្យូទ័រ Lisa របស់ Apple (Lisa Computer) ដែលបានមានអាយុកាលប្រហែល ៣០ឆ្នាំមកហើយនេះ។
Apple Lisa Computer
រំលឹកពីព្រឹត្តិការណ៍សន្និសីទឌីហ្សាញនោះបន្តិច Steve Jobs បាននិយាយនៅគ្រានោះថា៖ “យើងនឹងស្វែងរកវិធីដើម្បីដាក់ (កុំព្យូទ័រមួយ) ទៅក្នុង shoebox និងលក់វាក្នុងតម្លៃ ២៥០០ដុល្លារ ហើយចុងក្រោយយើងនឹងរកវិធីដាក់វានៅក្នុង boo ទៀត”។ អំឡុងពេលដែល Steve Jobs ធ្វើបទបង្ហាញលោកបានពន្យល់ថាអំពីលក្ខណៈសំខាន់របស់កុំព្យូទ័រ ៣យ៉ាងដូចរូបព្រីនស្រ្គីនខាងក្រោម៖
ស៊ីឡាំងដ៏ធំនេះមានប្រវែង ៩,៧ម៉ែត្រ និងមុខកាត់ទំហំ ០,៤៥ម៉ែត្រ ផ្ទុកទៅដោយរបស់របរយ៉ាងច្រើនមុខដែលត្រូវបានវេចខ្ចប់ដាក់ក្នុងថង់ប្លាស្ទិក។ ក្នុងចំណោមរបស់សំណល់ទាំងនោះ ឃើញមានក្រៅពី mouse ដែលលោក Steve Jobs ធ្លាប់បានប្រើ និងនៅមានកញ្ចប់ស្រាបៀ ៦ កំប៉ុងទៀត។
0 comments:
Post a Comment