ក្រុមស្ដេចស Real Madrid ស៊ីក្រុម Getafe ៤-១ ក្នុងការប្រកួតសប្ដាហ៍ទី៥នៃក្របខ័ណ្ឌ La Liga ដោយគ្មានវត្តមានកីឡាករតម្លៃខ្លួនខ្ពស់ជាងគេបំផុតលើលោកនាពេលបច្ចុប្បន្ន Gareth Bale ដោយសាររបួសភ្លៅអំឡុងពេលកម្ដៅសាច់ដុំមុនប្រកួត។
Bale សង្ឃឹមបានលេងឱ្យ Real ក្នុងផ្ទះជាលើកដំបូងទៅហើយ ប៉ុន្តែត្រូវខកខានដោយសាររបួសពេលកម្ដៅសាច់ដុំ
គ្រាន់តែចាប់ផ្ដើមការប្រកួតបាន៥នាទី ក្រុម Getafe ធ្វើឱ្យអ្នកគាំទ្រក្រុមស្ដេចសស្រឡាំងកាំងក្នុងកីឡដ្ឋាន Santiago Bernabeu ដោយបើកការនាំមុខមុនតាមរយៈកីឡាករ Ángel Lafita។ ប៉ុន្តែក្ដីរីករាយកើតឡើងវិញចំពោះក្រុមម្ចាស់ផ្ទះ ពេលខ្សែការពារជម្រើសជាតិព័រទុយហ្គាល់ Pepe ដែលពាក់ស្លាកប្រធានក្រុមក្នុងការប្រកួតនេះ ថែមបាល់ដែលស៊ុតឡងដោយ Cristiano Ronaldo តាមយកស្មើ១-១វិញ។
ចាប់ពីនាទីនោះមក ក្រុមភ្ញៀវតដៃលែងរួចតែម្ដង ហើយត្រូវក្រុមម្ចាស់ផ្ទះដែលមានលោក Carlo Ancelotti ស៊ុតថែម៣គ្រាប់ទៀត ដោយ Ronaldo ពីរគ្រាប់ក្នុងនាទីទី៣៤និង៩០+៣ និង Isco មួយគ្រាប់ក្នុងនាទីទី៥៩។
ក្រោយរកបានពីរគ្រាប់បន្ថែមទៀតកាលពីយប់មិញនេះ ខ្សែប្រយុទ្ធដែលផ្ទេរពី Man Utd ក្នុងតម្លៃ១២៨លានដុល្លារអាមេរិក(៨០លានផោន)កាលពីឆ្នាំ២០០៩ CR7 ក្លាយជាកីឡាករទាត់បញ្ចូលទីបានច្រើនជាងគេបំផុតលំដាប់ទី៥ក្នុងប្រវត្តិសាស្ត្ររបស់ក្លិបស្ដេចស។ ក្នុងការពាក់អាវ Real Madrid ចូលលេង២០៥ប្រកួតមកនេះ អតីតយុវជនរបស់ក្លិប Sporting Lisbon ទាត់បញ្ចូលទីបានដល់ទៅ២០៧គ្រាប់ ហើយចំនួនគ្រាប់បាល់នេះនៅចាញ់តែ Ferenc Puskas, Santillana, Alfredo Di Stefano និង Raul ប៉ុណ្ណោះ។
លទ្ធផល La Liga សប្ដាហ៍ទី៥
ចំណាត់ថ្នាក់គិតត្រឹមសប្ដាហ៍ទី៥
អ្នកទាត់បញ្ចូលទីបានច្រើនជាងគេគិតត្រឹមសប្ដាហ៍ទី៥
0 comments:
Post a Comment