ទូរសព្ទ Galaxy Note 3 និង នាឡិកា Galaxy Gear ដែល Samsung ទើបតែបញ្ចេញរូបរាងនៅប្រទេសអាល្លឺម៉ង់កាលពីដើមខែកញ្ញានេះ អតិថិជនកម្ពុជាអាចទិញកក់មុនផលិតផលដ៏ទំនើបទាំងពីរនេះបានហើយ ដោយ Galaxy Note 3 តម្លៃប្រហែល ៧២០ ដុល្លារ ខណៈ ដែល Galaxy Gear តម្លៃជាង ២៨០ ដុល្លារអាមេរិក។
តាមរយៈការសហការគ្នារវាងក្រុមហ៊ុន Samsung និង Smart Axiata អតិថិជនកម្ពុជាអាចទទួលបានផលិតផលដ៏អស្ចារ្យទាំងពីរនេះក្នុងពេលតែមួយ មុនប្រទេសដៃទៀតក្នុងពិភពលោកនៅថ្ងៃ ២៥ កញ្ញា ២០១៣ នេះ។
លោក Gwi Han Lee អគ្គនាយកប្រចាំប្រទេសកម្ពុជា និងឡាវរបស់ Samsung បានមានប្រសាសន៍ថា “យើងមានជំនឿជឿជាក់យ៉ាងមុតមាំក្នុងភាពជាដៃគូនេះជាមួយ Smart។ Smart គឺជាម៉ាកសញ្ញាដ៏ទាន់សម័យពេញនិយមក្នុងស្រទាប់យុវវ័យនៅក្នុងទីផ្សារប្រព័ន្ធទូរសព្ទចល័តនៅកម្ពុជា។ ជាមួយ Smart យើងនឹងនាំជូននូវឧបករណ៍ដ៏ថ្មី សន្លាងនេះដល់អតិថិជននៅកម្ពុជានៅថ្ងៃដំបូងនៃការចេញលក់នៅទូទាំងពិភពលោក តាមរយៈការផ្តល់ ជូននូវការបញ្ជាទិញជាមុនដ៏ពិសេសនេះ”។
Galxay Note 3 មានអេក្រង់ Full HD Super AMOLED ធំជាង Note មុនៗ (ទំហំ ៥.៧ អ៉ីញ) ថែមទាំងមានរាងស្ដើង និងស្រាលជាមុន (កម្រាស់ ៨.៣ ម.ម, ទម្ងន់ ១៦៨ ក្រាម)។ ល្បឿនកាន់តែលឿន និងកាន់តែអស្ចារ្យជាងមុន ជាមួយ 2.3 GHz Quad Core processor ប៉ុន្ដែវាមានថ្មកាន់បានកាន់តែយូរ រហូតដល់ ២៥ម៉ោង។
វាក៏មានកាមេរ៉ាពីក្រោយទំហំ ១៣ មេហ្គាភីកសែល ជាមួយ Auto Focus និង Flash & Zero Shutter Lag ដែលធ្វើឱ្យអ្នកប្រើប្រាស់ អាចចាប់យករូបភាព និងសកម្មភាពកាន់តែច្បាស់ល្អ សូម្បីតែនៅក្នុងស្ថានភាពពន្លឺទាប និងមានសកម្មភាពរស់រវើក យ៉ាងណាក៏ដោយ។ Note 3 ផ្ដល់ជូននូវបច្ចេកវិទ្យា LTE (4G) ចុងក្រោយបំផុត។
ដោយឡែក Galaxy Geer ជានាឡិកាដ៏ទំនើបដំបូងបង្អស់របស់ Samsung ដែលមានសមត្ថភាពខ្ពស់ ក្នុងការសម្រួលដល់ការងារផ្សេងៗ ដល់អ្នកប្រើប្រាស់ Note 3។ ក្រៅពីថតរូប ចាក់ចម្រៀង ឬមើលម៉ោង បច្ចេកវិទ្យានេះក៏អាចលើកទូរសព្ទ និយាយជំនួស Note 3 ផងដែរ ខណៈដែលត្រូវបានពាក់នៅលើដៃជាប់ ដូចនាឡិកានោះ។
លោក ថូម៉ាស់ ហ៊ុន នាយកប្រតិបត្ដិក្រុមហ៊ុន Smart Axiata បានមានប្រសាសន៍ថា “យើងមានសេចក្ដីសោមនស្សរីករាយ និង មោទនភាពក្រៃលែង ចំពោះភាពជាដៃគូជាមួយ Samsung នេះ។ វាគឺជាការគាំទ្រដ៏ខ្លាំងក្លាមួយដល់ Smart ក្នុងនាមជាក្រុមហ៊ុនទូរសព្ទចល័ត ឈានមុខគេមួយនៅកម្ពុជា ជាពិសេសក្នុងវិស័យអ៊ីនធឺណិតចល័ត។
អតិថិជនកម្ពុជាអាចកក់ Galaxy Note 3 និង Galaxy Geer ចាប់ពីឥឡូវរហូតដល់ថ្ងៃទី២៤ ខែកញ្ញា ឆ្នាំ២០១៣ ហើយនឹងបានដល់ដៃនៅថ្ងៃទី២៥ ខែកញ្ញា ឆ្នាំ២០១៣ មុនការមកដល់ជាផ្លូវការនៅកម្ពុជា២ថ្ងៃ (មកដល់កម្ពុជាជាផ្លូវការថ្ងៃទី២៧ កញ្ញា) ។ ក្នុងនោះ Samsung Galaxy Note 3 មានតម្លៃ ៧២០ដុល្លារ ហើយ Galaxy Geer តម្លៃ ២៨០ដុល្លារ ។ ជាមួយនឹងការទិញ Note 3 ពីក្រុមហ៊ុន Smart នឹងមានការផ្តល់ជូន ៥កញ្ចប់បន្ថែម ដូចជាទទួលបានកញ្ចប់ អ៊ីនធឺណិត 1G រៀងរាល់ខែ រហូតដល់មួយឆ្នាំ , ការហៅទូរសព្ទ ១០០០នាទីរៀងរាល់ខែរយៈពេល១ឆ្នាំ ផ្តល់ជូនលេខពិសេស និងស្រោមទូរសព្ទ រួមទាំងមានឱកាសចាប់រង្វាន់យក Galaxy Geer ផងដែរ។
អត្ថបទ៖ ក្រុមហ៊ុន Samsung
0 comments:
Post a Comment