ក្លិបបិសាចក្រហម Manchester United បានទម្លាក់ក្លិបគូប្រជែងហង្សក្រហម Liverpool ត្រឹមជុំទី៣ Capital One Cup យប់មិញនេះ ក្រោយយកឈ្នះ ១-០។
Hernandez ស្រែកអបអរក្រោយស៊ុតបញ្ចូលទី
១គ្រាប់របស់ក្រុមលោក David Moyes ធ្វើបានដោយថ្វីជើងខ្សែប្រយុទ្ធម៉ិកស៊ីកូ Javier Hernandez នៅដើមតង់ទី២ បន្ទាប់ពីទទួលបាល់លើកចេញពីជ្រុងដោយ Wayne Rooney។ មិនត្រឹមតែអាចឡើងទៅជុំបន្ទាប់នោះទេ ជ័យជម្នះនេះក៏ដូចជាការសងសឹកមួយភ្លាមៗផងដែរ ត្បិតអីក្រុមជើងឯក BPL មួយនេះ ទើបនឹងចាញ់ក្រុមលោក Brenden Rodgers នៅ Anfield កាលពីដើមខែកន្លងទៅ។
នៅក្នុងជំនួបនេះ ខ្សែប្រយុទ្ធអ៊ុយរុយហ្គាយ Luis Suarez របស់ហង្សក្រហម ដែលត្រូវពិន័យកាលពីខែមេសាក្រោយខាំ Branislav Ivanovic របស់ Chelsea នោះ ក៏បានបង្ហាញមុខជាថ្មីផងដែរក្រោយផុតបម្រាម ដោយចាប់ដៃគូជាមួយ Daniel Sturridge។ កីឡាករវ័យ២៦ឆ្នាំរូបនេះ មានឱកាសបំប៉ោងសំណាញ់ទីនោះដែរ ប៉ុន្តែមិនបានសម្រេច។
អត្ថបទទាក់ទង៖ Suarez ផុតបម្រាមហើយ និងទំនងជាចូលលេងពេលហង្សក្រមប៉ះបិសាចក្រហមស្អែក
ក្រោយជ័យជម្នះនេះ បិសាចក្រហមនឹងត្រូវប៉ះ Norwich City នៅជុំទី៤ ខណៈកាំភ្លើងធំ Arsenal ដែលឈ្នះ West Bromwich ដោយបាល់ប៉េណាល់ទីកាត់សេចក្ដីយប់មិញដែរនោះ នឹងត្រូវប៉ះតោខៀវ Chelsea។ ចំណែកម្ចាស់ជើងឯកចាស់ Swansea មិនអាចឡើងទៅជុំបន្ទាប់នោះទេ ក្រោយចាញ់ Birmingham ៣-១។
Hernandez លោតទាត់បញ្ចូលទី
លទ្ធផលនៃការចាប់គូក្នុងជុំទី៤ មានដូចខាងក្រោម៖
Sunderland vs Southampton
Leicester vs Fulham
Birmingham vs Stoke
Man Utd vs Norwich
Burnley vs West Ham
Arsenal vs Chelsea
Tottenham vs Hull
Newcastle vs Man City
David Moyes រីករាយក្រោយនាំមុខ Liverpool
អ្នកគាំទ្រ Man Utd ស្រែកដាក់ Suarez
វីដេអូស៊ុតបញ្ចូលទីរបស់ Hernandez ៖
0 comments:
Post a Comment