បើទោះបីជាតម្លៃ iPhone 5S ពណ៌មាសជិត ២ពាន់ដុល្លារក្តី ក៏នៅមានអ្នកបងប្រាថ្នាម៉ូដែលនេះ ហាក់មិនរុញរានឹងតម្លៃនោះទេ។ ជាក់ស្ដែង កញ្ញាម្នាក់នៅក្នុងរូបថតខាងក្រោម ត្រូវបានម្ចាស់ហាងហាក់សែ បង្ហោះក្នុងទំព័រ facebook របស់ខ្លួន ដោយអះអាងថា កញ្ញា គឺអ្នកមកទិញ iPhone 5S នៅហាងហាក់សែមុនគេ។
សូមអាន៖ ទម្លាក់ iPhone 5C/5S លេងបន្តិចមើល៍ស័ក្ដិសមតម្លៃជិត២ពាន់ដុល្លារអត់? (វីដេអូ)
ទោះបីជាយ៉ាងណាក៏ដោយ រហូតមកដល់ពេលនេះ គ្មាននរណាម្នាក់ហ៊ានអះអាងថា កញ្ញាគឺជាមនុស្សតែម្នាក់គត់ដែលទិញបាន iPhone 5S នៅកម្ពុជាមុនគេនោះទេ ស្របពេលដែលហាងលក់ទូរសព្ទផ្សេងៗទៀតដូចជា Apple Media និងហាងផ្សេងៗទៀតប្រកាសថា មានលក់ iPhone ស៊េរីចុងក្រោយទាំងពីរម៉ូដែលនេះតាំងពីល្ងាចមិញម្ល៉េះ។
សូមអាន៖ iPhone 5S មកដល់ខ្មែរហើយ តម្លៃជិត២ពាន់ដុល្លារ!
លោក ហេង ម្ចាស់ហាងលក់ទូរសព្ទដៃ ហាក់សែ សាខាថ្មី បានប្រាប់ថា មានអតិថិជនជាច្រើននាក់មកទិញ iPhone 5S តាំងពីល្ងាច ហើយព្រឹកនេះក៏នៅតែមានច្រើនដដែល។ លោកបន្តថា នៅហាងរបស់លោក សម្រាប់ iPhone 5S ពណ៌មាសមានតម្លៃ ១៧០០ដុល្លារ និងពណ៌ខ្មៅមានតម្លៃ៩៨០ដុល្លារ។ លោកបានបញ្ជាក់ទៀតថា រូបនារីម្នាក់ខាងលើនេះ គឺពិតជាអតិថិជនរបស់លោក ដែលបានមកទិញ iPhone 5S ពណ៌មាសតាំងពីល្ងាចម្សិលមិញម្ល៉េះ៕
iPhone 5S ព័ណ៌មាស
អត្ថបទ៖ ដារ៉ាឆានី
រូបថត៖ facebook
0 comments:
Post a Comment