Apple ទើបបានប្រកាសជាសាធារណនូវតួលេខលក់ iPhone ជំនាន់ថ្មីទាំងពីរម៉ូដែលរបស់ខ្លួននៅចុងសប្ដាហ៍មុននេះ ដែលត្រឹមតែ ៣ថ្ងៃ សរុបលក់បាន ៩លានគ្រឿងឯណោះ ហើយឥឡូវនេះបើយោងតាមរបាយការណ៍ថ្មីចុងក្រោយ បង្ហាញថា iPhone 5S លក់ដាច់ជាង iPhone 5C ដល់ទៅ ៣ដង។
អាន៖ ទម្លាក់ iPhone 5C/5S លេងបន្តិចមើល៍ស័ក្ដិសមតម្លៃជិត២ពាន់ដុល្លារអត់? (វីដេអូ)
គំលាតលក់ខុសគ្នា ត្រូវបានក្រុមហ៊ុនឱ្យដឹងថា iPhone 5C លក់បាន ១គ្រឿង ស្មើនឹង iPhone 5S ចំនួន ៣,៤គ្រឿង។ រយៈពេលមិនដល់ ៣ថ្ងៃផងនោះទាំង iPhone 5S និង iPhone 5C រាប់បញ្ចូលគ្នា ត្រូវបានលក់ចេញស្មើនឹង ១,៣៦% ធៀបនឹងការលក់គ្រប់ស៊េរី iPhone នៅលើទីផ្សារអាមេរិក ដែលមានក្រុមហ៊ុនតំណាងលក់ចំនួន ៤ គឺ (១) AT&T (២) Verizon Wireless (៣) Sprint និង (៤) T-Mobile។ នៅក្នុង ១,៣៦% iPhone 5S លក់យកបាន ១,០៥% ខណៈ iPhone 5C បានត្រឹម ០,៣១% ប៉ុណ្ណោះ។
រឿងដែលនឹងស្មានមិនដល់ គឺថា គេហទំព័រ Bloomberg បានធៀបតួលេខលក់ iPhone ទាំងពីរនេះ ទៅនិង Smartphone របស់ក្រុមហ៊ុនកាណាដា BlackBerry Z10 ដែលមានភាពខុសគ្នាដូចមេឃ និងដី ព្រោះ ៣ខែ Z10 អាចលក់ចេញបានត្រឹម ៥,៩លានគ្រឿងប៉ុណ្ណោះ រីឯ iPhone 5S/5C ប្រើពេលត្រឹមតែ ៣ថ្ងៃលក់បានរហូតដល់ទៅ ៩លានគ្រឿងទៅហើយ។
សរុបមកតួលេខសរុប ៩លានគ្រឿងពីការលក់ iPhone ទាំងពីរម៉ូដែល អាចនិយាយបានថា iPhone 5S លក់បានប្រហែល ៦លានគ្រឿង រីឯ iPhone 5C បាន ៣លានគ្រឿង។ ក្រៅពីនៅអាមេរិក គេហទំព័រ localytics ក៏បានបញ្ចេញទិន្នន័យជាក្រាហ្វិកបង្ហាញពីអត្រាលក់ iPhone នៅទូទាំងពិភពលោក ដូចខាងក្រោម៖
ដូចប្រិយមិត្តធ្លាប់បានដឹងរួចមកហើយ កាលពីពេលដែល Apple បញ្ចេញលក់ iPhone 5 ដំបូងនៅឆ្នាំ ២០១២ បានធ្វើឱ្យមានការភ្ញាក់ផ្អើលជាមួយការលក់ដាច់យ៉ាងខ្លាំងដោយរយៈ ១ថ្ងៃ iPhone 5 ត្រូវបានលក់ចេញចំនួន ១,៧លានគ្រឿងអំឡុង ៣ថ្ងៃដំបូង។
អាន៖ Hacker អាច hack មុខងារ fingerprint លើ iPhone 5S បានសម្រេច (វីដេអូ)
អាន៖ ម្ចាស់ iPhone 4S និង iPhone 5 សូមប្រយ័ត្នបញ្ហា Lockscreen ពេលដំឡើងដល់ iOS 7
ចុចត្រង់នេះ ដើម្បីតាមដានព័ត៌មានជុំវិញ iPhone 5S … ហើយ ចុចត្រង់នេះ ដើម្បីតាមដានព័ត៌មាន iPhone 5C …
ប្រែសម្រួល៖ ឈុន ហួរ
ប្រភព & រូបភាព៖ geeky-gadgets, localytics, redmondpie, bloomberg
0 comments:
Post a Comment