អ្វីដែលប្រិយមិត្តរបស់ប្រព័ន្ធប្រតិបត្តិការ iOS និង Android បានទន្ទឹងរង់ចាំយ៉ាងយូរនោះ ឥឡូវបានមកដល់ហើយ។ នៅថ្ងៃនេះ ក្រុមហ៊ុន EA (Electronic Arts) បានដាក់បញ្ចូលហ្គេម FIFA 2014 ឲ្យមានវត្តមានក្នុង App Store និង Google Play ហើយ។ អ្វីដែលគួរឲ្យភ្ញាក់ផ្អើលនោះគឺថា ខុសពី FIFA ស៊េរីមុនៗ សម្រាប់ FIFA 14 នេះ ក្រុមហ៊ុន EA មិនបានតម្រូវឲ្យប្រិយមិត្តចំណាយលុយក្នុងការទាញយកមកកម្សាន្តនោះឡើយ។
អានអត្ថបទ៖ FIFA 14 បំពេញចិត្តប្រិយមិត្តគាំទ្រក្លឹបបាល់ទាត់ប្រេស៊ីល
FIFA 14 ដែលដំណើរការលើប្រព័ន្ធប្រតិបត្តិការ iOS និង Android បានដាក់បញ្ចូលនូវ 33 លីកធំៗ ដែលមានក្លឹបបាល់ទាត់រហូតដល់ទៅច្រើនជាង 600 ក្លឹប រួមទាំងកីឡាករសរុបមិនក្រោមពី 16.000 នាក់មកពីលីកធំៗរួមមាន English Premier League, La Liga និង the German Bundesliga ជាដើម។
កាន់តែពិសេសទៀតនោះ ក្រុមហ៊ុនផលិតហ្គេមអាមេរិកមួយនេះ ថែមទាំងបានដាក់បញ្ចូលក្លឹបបាល់ទាត់ថ្មីចំនួន ១៩ក្លឹបពី Campeonato Brasileiro Serie A league ដែលជាលីកកំពូលប្រចាំប្រទេសប្រេស៊ីល ឱ្យប្រិយមិត្តកម្សាន្តបានពេញទី ដោយមានបញ្ចូល Logo សំលៀកបំពាក់ រួមទាំងឈ្មោះកីឡាករពិតៗរបស់ក្លឹបផងដែរ។
អានអត្ថបទ៖ ហ្គេមប្រណាំងឡានដ៏ជក់ចិត្ត Asphalt 8 លេងបាននៅលើ iOS និង Android ហើយ
ជាមួយនឹងការដាក់ឲ្យទាញយកយកហ្រ្វីហ្រ្វីនៅក្នុង App Store និង Google Play នេះ ក្រុមហ៊ុនផលិតហ្គេមដ៏ធំរបស់អាមេរិកមួយនេះបានរំពឹងថា នឹងអាចមានចំណូលពីការលក់ FIFA Point ឬវគ្គកម្សាន្តផ្សេងៗដូចជា Manager Mode, Tournament និង Kick Off ជាដើម។
ចុចទីនេះ ដើម្បីទាញយក FIFA 14 សម្រាប់ iOS។
ចុចទីនេះ ដើម្បីទាញយក FIFA 14 សម្រាប់ Android។
អានអត្ថបទ៖ សង្គ្រាមដើមផ្កានិងខ្មោច ទទួលការចាប់អារម្មណ៍ក្រោយដាក់លើ Android
ប្រិយមិត្តមានមតិយ៉ាងណាចំពោះការដាក់ FIFA 14 ឲ្យទាញយកដោយសេរីបែបនេះ? តើ FIFA 14 ពិតជាសប្បាយជាង FIFA 13 ឬយ៉ាងណា? កុំភ្លេចបញ្ចេញមតិរបស់ប្រិយមិត្តដោយ comment នៅខាងក្រោមផង៕
0 comments:
Post a Comment