ស្រីស្អាត Tang Wei តារាឯកស្រីរឿង “Lust, Caution” ត្រៀមប្ដឹងក្រុមហ៊ុនផលិតតុក្កតាសិចយករូបនាងធ្វើគំរូ

រូបភាពតុក្កតាជ័រសម្រាប់បម្រើរឿងលើគ្រែ ឬគេហៅយ៉ាងខ្លីថា តុក្កតាសិច ដែលផលិតតាមរូបរាង Tang Wei តារាឯកស្រី “Lust, Caution” កំពុងតែល្បីល្បាញក្នុងពិភពអ៊ីនធឺណិត ខណៈដែលតារាស្រីរូបនេះកំពុងត្រៀមប្ដឹងក្រុមហ៊ុនផលិតមួយ។

តារាឯកស្រីរឿង “Lust, Caution” នាង Tang Wei

បើតាមសេចក្ដីរាយការណ៍បានឱ្យដឹង តុក្កតាសិចត្រូវបានបង្កើតឡើងឲ្យដូចទៅនឹងមុខតារាស្រី Tang Wei បេះបិទមិនថា រូបរាងឬទំហំទាំងបីទេ។ មិនតែប៉ុណ្ណោះអ្នកដែលបានឃើញតុក្កតានេះហើយថែមទាំងនិយាយទៀតថា រូបតុក្កតាសិចនោះ គឺសិចស៊ីជាងមនុស្សពិតទៅទៀត។

តារាស្រីរូបស្រស់ម្នាក់នេះ បានទទួលកេរ្តិ៍ឈ្មោះល្បីល្បាញដោយសារតែនាងបានសម្ដែងនៅក្នុងភាពយន្តខ្នាតធំ “Lust, Caution” ដែលពិពណ៌នាពីទីក្រុងស៊ាងហៃក្នុងសម័យសង្គ្រាមលោកលើកទីពីរ ។ ក្នុងរឿងនោះ នាងបានសម្ដែងឈុតស្នេហាលើគ្រែជាមួយតួឯកប្រុស Tony Leungយ៉ាងព្រឺព្រួចថែមទៀតផង។

បើទោះជានាងហ៊ានសម្ដែងឈុតឆាកបែបនេះក្ដី ប៉ុន្តែក្នុងស្ថានភាពជាក់ស្ដែង Tang Wei គឺជានារីរម្យទមម្នាក់ មិនថាការតែងខ្លួន ឬចរិតមារយាទទេ។ អ្នកចាត់ការផ្ទាល់ខ្លួន Tang Wei ប្រាប់ថារូបភាពតុក្កតាដែលត្រូវបានគេចុះផ្សាយយ៉ាងគគ្រឹកគគ្រេងកាលពីសប្ដាហ៍មុន ធ្វើឲ្យនាងមានអារម្មណ៍ថាកំពុងត្រូវគេជ្រៀតជ្រែកចូលក្នុងជីវិតឯកជន ដូច្នេះនាងបានឲ្យមេធាវីប្ដឹងទៅតុលាការដើម្បីឲ្យបញ្ឈប់ការផលិតតុក្កតានេះ និងប្ដឹងទាមទារប្រាក់សំណងថែមទៀតផងតែមិនបានបញ្ជាក់ថាចំនួនប៉ុន្មាននោះទេ។

បើទោះជា Tang Wei ប្ដឹងឲ្យបញ្ឈប់ការផលិតតុក្កតាបម្រើផ្លូវភេទដែលយករូបនាងជាគំរូយ៉ាងណាក្ដីខាងក្រុមហ៊ុនផលិតនៅតែមិនទាន់បានបញ្ឈប់ ខណៈដែលការកុម្ម៉ង់ទិញយ៉ាងច្រើនមហាសាល។ បច្ចុប្បន្ន Tang Wei មិនស្ថិតនៅប្រទេសចិនទេ គឺនាងកំពុងមមាញឹកថតភាពយន្តខ្នាតធំរបស់ហូលីវូដ។