ក្រោយចាញ់ West Brom ៣-០ កាលពីថ្ងៃសៅរ៍ដែលជាបរាជ័យលើកទី៤របស់ Sunderland ក្នុងចំណោម៥ប្រកួតដំបូងនៃក្របខ័ណ្ឌ Premier League រដូវកាលនេះ លោក Paolo Di Canio ត្រូវក្លិប Sunderland បញ្ឈប់ពីតំណែងគ្រូបង្វឹកហើយ។
ក្រុមឆ្មាខ្មៅបញ្ជាក់យ៉ាងខ្លីនៅលើគេហទំព័ររបស់ខ្លួនក្នុងថ្ងៃអាទិត្យម្សិលមិញថា៖ “ក្លិប Sunderland AFC បានចែកផ្លូវគ្នាជាមួយគ្រូបង្គោល Paolo Di Canio ហើយវេលាល្ងាចនេះ។ លោក Kevin Ball នឹងទទួលបន្ទុកដឹកនាំក្រុមបណ្ដោះអាសន្នក្នុងជំនួបពានរង្វាន់ Capital One Cup ទល់នឹង Peterborough United នៅរាត្រីថ្ងៃអង្គារ មុននឹងស្វែងរកគ្រូបង្វឹកថ្មីជាផ្លូវការបាន”។ ជាចុងក្រោយ ក្លិបក៏បានអរគុណគ្រូបង្វឹកសញ្ជាតិអ៊ីតាលីរូបនេះចំពោះកិច្ចប្រឹងប្រែងកន្លងមកនិងជូនពរឱ្យទទួលជោគជ័យក្នុងពេលអនាគត។
តាំងពីចូលជំនួសតំណែងលោក Martin O’Neill កាលពីខែមីនាមក គ្រូបង្វឹកដែលធ្លាប់តែដឹកនាំក្រុម Swindon Town ពីឆ្នាំ២០១១ដល់២០១៣ខាងលើ បានធ្វើកំណែទម្រង់ក្រុមឆ្មាខ្មៅជាច្រើន ពោលគឺនាំចូលកីឡាករថ្មីៗដល់ទៅ១៣នាក់សម្រាប់ត្រៀមប្រជែងក្នុងរដូវកាល២០១៣-១៤។ ប៉ុន្តែ៥ប្រកួតកន្លងមកនេះ ក្រុមឆ្មាខ្មៅកំពុងកាន់តំណែងបាតតារាង ត្បិតទើបតែរកបាន១ពិន្ទុប៉ុណ្ណោះពីការប្រកួត៥លើកក្នុងក្របខ័ណ្ឌកំពូលអង់គ្លេស៕
0 comments:
Post a Comment