ក្មេងស្រី២នាក់ត្រូវម៉ាស៊ីនបោកខោអាវក្រឡុកដល់ស្លាប់យ៉ាងកំសត់
ចិន៖ យោងតាមប្រភពពត៌មានប៉េកាំងមួយបានអោយដឹងថា កាលពីថ្ងៃសៅរ៍កន្លងទៅ ក្មេងស្រី២នាក់បងប្អូនអាយុ៤ឆ្នាំ និង២ឆ្នាំ បានស្លាប់យ៉ាងអាណោចអាធមក្នុងម៉ាស៊ីនបោកខោអាវនៅផ្ទះរបស់គេ។ ហេតុការណ៍នេះបានកើតឡើងវេលាម៉ោងប្រហែលមួយកន្លះថ្ងៃត្រង់ នៅក្នុងទីក្រុង Nanchang ខេត្ត Jiangxi ប្រទេសចិន ហើយក្មេងស្រីទាំង២ត្រូវគេស្គាល់មាននាមត្រកូល Tu បានលេងក្នុងផ្ទះធម្មតា ហើយក្រោយមកក៏ប្រទះឃើញពួកគេទាំង២ក្នុងម៉ាស៊ីនបោកខោអាវ ដែលរាងកាយរបស់ពួកមានសភាពច្របល់ចូលគ្នាគួរអោយអាណិត។ ភ្លាមៗនោះក្មេងស្រីទាំង២ត្រូវបានបញ្ចូនទៅកាន់មន្ទីរពេទ្យ ដែលមុខមាត់ពួកនាងត្រូវខ្ទេចមើលសឹងមិនស្គាល់ ហើយយោងតាមប្រភពពត៌មានបានអោយដឹងថា ពួកនាងស្លាប់តាំងពីនៅក្នុងម៉ាស៊ីនបោកខោអាវ ដោយសារការស្ទះខ្យល់ដកដង្ហើម។ ក្រុមប៉ូលីសកំពុងធ្វើការស៊ើបអង្កេតរកមូលហេតុដែលបណ្តាលអោយក្មេងស្រីដ៏កំសត់ទាំង២ធ្លាក់ចូលម៉ាស៊ីនបោកខោអាវនោះ ពួកគេនៅមិនទាន់ច្បាស់នៅឡើយ តែនៅកន្លែងកើតហេតុគេប្រទះឃើញមានកៅអីនៅជិតម៉ាស៊ីន ដែលនេះអាចសន្និដ្ឋានបានថា ពួកគេប្រហែលជាឈរលេងនៅលើកៅអីនោះមុននឹងធ្លាក់ចូលម៉ាស៊ីន។
“សូមប្រុងប្រយ័ត្នចំពោះក្មេងតូចៗ ដើម្បីជៀសវាងកុំអោយមានហេតុការណ៍មួយកើតឡើងជាយថាហេតុ”
0 comments:
Post a Comment