លួងលោមក្មេងស្រីអាយុ ៨ ឆ្នាំស្រាតខោ ស្ទាបអង្អែលដើម្បីសម្រេចកាមខ្លួនឯង
ខេត្តកណ្តាល ៖ បុរសប្រមឹកម្នាក់ បានចាប់ក្មេងស្រី ទើបមានអាយុ ៨ ឆ្នាំរំលោភសេពសន្ថវៈ ក្នុងខណៈដែលម្តាយរបស់នាង ជាប់រវល់ទៅធ្វើការ ប៉ុន្តែការប៉ងរំលោភនោះ មិនបានសម្រេចទេ ដោយសារប្អូនស្រីនាងមកទាន់ ហើយក្រោយមក ម្តាយនិងជីដូន របស់ក្មេងស្រី ក៏ប្តឹងនគរបាល ស្រុកអង្គស្នួល ឱ្យធ្វើការឃាត់ខ្លួនជនល្មើស កាលពីថ្ងៃទី២៦ ខែកញ្ញា ឆ្នាំ២០១៣ នៅក្នុងភូមិបឹងថ្នល់ ឃុំម្កាក់ ស្រុកអង្គស្នួល ។
ជនល្មើសមានឈ្មោះ ពយ ភឿន អាយុ ៦២ ឆ្នាំ មានទីលំនៅក្នុងភូមិខាងលើ កាលពីវេលាម៉ោង ៣និង១០ នាទី រសៀលថ្ងៃទី២៥ ខែកញ្ញា បានបបួលនាងតូច ទៅផ្ទះរបស់ខ្លួន ប៉ុន្តែនាងមិនព្រមទៅ ក៏ត្រូវជននេះចាប់បី នាងទៅផ្ទះរបស់ខ្លួនតែម្តង ក្នុងបំណងចាប់រំលោភ ។ ខណៈនោះប្អូនស្រីនាង ដែលទើបមានអាយុ ៤ ឆ្នាំ ឃើញជនប្រមឹក ចាប់បីបងស្រីបែបនេះ ក៏រត់ទៅតាម ចំណែកឯជននោះ ក្រោយពេលបីនាងទៅដល់ផ្ទះ របស់ខ្លួនហើយក៏ ធ្វើសកម្មភាពចាប់រំលោភ សេពសន្ថវៈទាំងកំរោល ប៉ុន្តែមិនបានសម្រេចទេ ។
ជនសង្ស័យ ឈ្មោះ ពយ ភឿន បានឆ្លើយថា ខ្លួនបានធ្វើសកម្មភាព លួងលោមក្មេងស្រីរងគ្រោះ ឱ្យចូលទៅក្នុងផ្ទះរបស់ខ្លួន ។ ពេលទៅដល់ក្នុងផ្ទះខ្លួនបាន ស្រាតខោក្មេងស្រីនិងស្រាតខោ របស់ខ្លួនហើយបានធ្វើ សកម្មភាពផ្សេងៗ រហូតបានសម្រេច បំណងខ្លួនឯងទើប ស្លៀកខោឱ្យក្មេងស្រី ត្រឡប់ទៅផ្ទះវិញ ។ ជនសង្ស័យបានបញ្ជាក់ថា កាលណោះរូបគេពុំបានដឹងថា ប្អូនរបស់ក្មេងស្រីរងគ្រោះបាន ឃើញពីសកម្មភាពរបស់ខ្លួនឡើយ៕
0 comments:
Post a Comment