បើនិយាយបីសេដ្ឋកិច្ចកំពូល មនុស្សគ្រប់គ្នាប្រាកដជានឹកដល់សហរដ្ឋអាមេរិក និងចិនជាមិនខាន។ តែរុស្ស៊ីក៏មិនអន់ប៉ុន្មានដែរ ព្រោះប្រទេសនៅជិតប៉ូលខាងជើងនេះពោរពេញទៅដោយធនធានធម្មជាតិដ៏សម្បើមដោយក្នុងនោះរួមមានប្រេង និងឧស្ម័ន។ ដោយសារតែធនធានធម្មជាតិទាំងនោះ ប្រធានាធិបតីរុស្ស៊ីលោក វ្លាឌីមៀ ពូទីន បានទទួលផលប្រយោជន៍យ៉ាងច្រើនមិនថា ទ្រព្យសម្បត្តិតែម៉្យាងនោះទេ ប៉ុន្តែអំណាចផងដែរ។
អាន៖ កម្លាំងយោធាអាមេរិកបច្ចុប្បន្ន មានមហិទ្ធិឫទ្ធិប៉ុណ្ណា?
បើនិយាយពីទ្រព្យសម្បត្តិលោក ពូទីន ត្រូវគេវាយតម្លៃថា មានរហូតដល់ ៧០ ពាន់លានដុល្លារឯណោះ ដែលចំនួននេះបើប្រៀបធៀបនឹងបុរសមានបំផុតក្នុងលោកគឺ អតីតអគ្គនាយកក្រុមហ៊ុន Microsoft លោក Bill Gates គឺខុសគ្នាតែជាង ២ ពាន់លានដុល្លារប៉ុណ្ណោះ (បើយោងតាម Bloomberg ទ្រព្យសម្បត្តិសរុបរបស់លោក Bill Gates បច្ចុប្បន្នគឺ ៧២,៧ ពាន់លានដុល្លារ)។
អាន៖ អាមេរិកមានសព្វាវុធទំនើបៗច្រើន ចុះរុស្ស៊ីវិញមានអ្វីអួតដែរ?
ដូចលើកឡើងខាងលើស្រាប់ មូលហេតុដែលនាំឲ្យប្រធានាធិបតីរុស្ស៊ីមានទ្រព្យសម្បត្តិខ្ពស់កប់ពពកគឺដោយសារតែធនធានឧស្ម័ន និងប្រេងដែលភាគច្រើនត្រូវបាននាំចេញទៅកាន់សហភាពអឺរ៉ុប។ អំណាចរបស់លោកពូទីនមិនស្ថិតលើទ្រព្យសម្បត្តិតែម៉្យាងនោះទេ ក្នុងនាមជាប្រមុខរដ្ឋរបស់ប្រទេសមហាអំណាចសព្វាវុធគូប្រជែងនឹងអាមេរិក លោកត្រូវបានគេចាត់ទុកថា ជាបុគ្គលដ៏មានឥទ្ធិពលបំផុតក្នុងលោក។
តាមការវាយតម្លៃរុស្ស៊ីមានក្បាលគ្រាប់នុយក្លេអ៊ែរប្រហែល ៨៥០០ គ្រាប់ដែលជាចំនួនច្រើនបំផុតក្នុងលោក។ មិនតែប៉ុណ្ណោះកងរថក្រោះរុស្ស៊ីក៏ជាកងរថក្រោះធំបំផុតក្នុងលោក និងជាប្រទេសមួយដែលមានកងនាវាធំបំផុតក្នុងលោកផងដែរ។ កំពូលបុរសវ័យ ៦០ ឆ្នាំខាងលើគឺជាអ្នកចេញបញ្ជាចុងក្រោយរាល់ប្រតិបត្តិការធំៗរបស់ប្រទេសមហាអំណាចសព្វាវុធមួយនេះ។
ចុះអ្នកយល់ស្របនឹងការលើកឡើងថា លោក ពូទីនជាបុរសខ្លាំងបំផុតក្នុងលោកនេះទេ?
ប្រែសម្រួល៖ Zac
ប្រភព៖ Therichest
0 comments:
Post a Comment