កម្ពុជា ប្រាប់បេសកកម្មការទូត កុំអោយលូកដៃ ក្នុងបញ្ហាផ្ទៃក្នុង
ភ្នំពេញ: ក្រសួងការបរទេសកម្ពុជា នៅថ្ងៃទី២៣ ខែកញ្ញា បានចេញសេចក្តីថ្លែងការណ៍មួយ ប្រាប់ដល់បេសកកម្មការទូតទាំងអស់ នៅប្រទេសកម្ពុជា កុំអោយលូកដៃជ្រៀតជ្រែក នៅក្នុងកិច្ចការផ្ទៃក្នុងរបស់ព្រះរាជាណាចក្រមួយនេះ។
សេចក្តីថ្លែងការណ៍ បានធ្វើឡើងបន្ទាប់ពីសេចក្តីថ្លែងការណ៍ដ៏ចម្រូងចម្រាស់មួយ របស់លោកឯកអគ្គរដ្ឋទូតអាមេរិក ប្រចាំនៅកម្ពុជា ដែលនិយាយថា វត្តមានរបស់លោកនៅក្នុងពេលបើកប្រជុំសភាលើកដំបូង កាលពីថ្ងៃទី២៣ ខែកញ្ញា មិនមែនមានន័យថា ជាការទទួលស្គាល់លទ្ធផល នៃការបោះឆ្នោតនោះឡើយ។
នៅក្នុងសេចក្តីថ្លែងការណ៍ដែលប្រើប្រាស់ពាក្យធ្ងន់ៗ ក្រសួងការបរទេសកម្ពុជា បាននិយាយថា “ ប្រទេសកម្ពុជា មិនអាចទទួលយកអាកប្បកិរិយាបែបក្រអឺតក្រទមណាមួយ របស់ឯកអគ្គរដ្ឋទូត នៃបេសកកម្មការទូតបរទេសណាមួយឡើយ មិនថា តំណាងអោយប្រទេសណាមួយឡើយ ”៕
0 comments:
Post a Comment