យោធានិងកងសន្តិសុខ៦៥នាក់ស្លាប់៣៨នាក់របួសក្នុងការបំផ្ទុះរថយន្តអត្តឃាតនៅយេម៉ែន
ក្រុងអេដែន៖ ចំនួនមនុស្សស្លាប់ដោយការបំផ្ទុះគ្រាប់បែកក្នុងរថយន្តធ្វើអត្តឃាតខ្លួនចំនួនបីកន្លែងផ្សេងគ្នាលើមូលដ្ឋានយោធា និងប៉ូលិស ព្រមទាំងកងសន្តិសុខនៅក្នុងខេត្តភាគអាគ្នេយ៍ស្ហាវ៉ា របស់ប្រទេសយេម៉ែនបានកើនឡើង ដល់យ៉ាងហោចណាស់៦៥នាក់ស្លាប់ និងរបួស៣៨នាក់ កាលពីថ្ងៃសុក្រ នេះបើតាមព័ត៌មានមន្ត្រីកងសន្ដិសុខផ្លូវការក្នុងតំបន់បានឱ្យដឹង។
តាមវេបសាយបរទេសឆាយណាដេលី ផ្សាយកាលពីថ្ងៃសៅរ៍ ម្សិលមិញ មន្ត្រីសន្តិសុខផ្លូវការខេត្តបានប្រាប់ក្នុងលក្ខខណ្ឌសុំមិនបញ្ចេញឈ្មោះថា៖ " យ៉ាងហោចណាស់ កងទ័ព និងទាហាន សន្តិសុខ៦៥នាក់បានស្លាប់ និង៣៨នាក់ផ្សេងទៀត បានរងរបួសនៅក្នុងការវាយប្រហារដោយការបំផ្ទុះគ្រាប់បែកអត្តឃាតចំនួនបីរថយន្ត ជាបន្តបន្ទាប់លើគោលដៅស្ថានីយ ប៉ូលិស ការិយាល័យកណ្តាលសន្តិសុខ និងតំបន់កងទ័ពធ្វើឡើងនៅក្នុងតំបន់អាហ្សាន ក្នុងខេត្តស្ហាវ៉ា" ។
មន្ត្រីប៉ូលិសបាននិយាយថា ករណីស្លាប់ចុងក្រោយដោយការវាយប្រហារ កាលពីថ្ងៃសុក្រ បានធ្វើឡើងនៅពេលរថយន្តអត្តឃាតបន្ទុះគ្រាប់បែកដោយក្រុមអាល់កៃដា បានបើកឡានបំផ្ទុះរថយន្តឡាដេនរបស់គាត់ ចូលទៅក្នុងមូលដ្ឋានកងទ័ព នៅក្នុងតំបន់អាហ្សាននៅជិតបំពង់ប្រេងមួយ។ កាលពីថ្ងៃសុក្រ រថយន្តដំបូងនៃរថយន្តទាំងបីបានដាក់រំសេវផ្ទុះចងភ្ជាប់បានទៅក្នុងមូលដ្ឋានយោធាមួយនៅអាហ្សានដោយបានសម្លាប់មនុស្សភ្លាមៗយ៉ាងហោចណាស់ទាហាន៤០នាក់ និងរបួសរាប់សិបនាក់ផ្សេងទៀតនៅកន្លែងកើតហេតុ។
ប្រភពមួយបានឱ្យដឹងថា កងទ័ព កងកម្លាំងសន្តិសុខ ដែលគាំទ្រដោយរថយន្តអាវុធធុនធ្ងន់ រថពាសដែក ត្រូវបានដាក់ពង្រាយនៅជុំវិញកន្លែងកើតហេតុ ។ សាក្សីអនាមិកម្នាក់បាននិយាយថា៖ "យើងបានសង្កេតឃើញថា ចំនួននៃការសាកសពច្រើននៅក្នុងមូលដ្ឋានប៉ូលិស និងសពមន្ត្រីកងទ័ពត្រូវបានដឹកចេញពីទីនោះ។ កន្លែងគ្រាប់បែកវាយប្រហារនេះជាមូលដ្ឋាននៃកងទ័ព បែរជាមានដុំពពកដ៏ធំដែលជាផ្សែងខ្មៅដូចរលករញ្ជួយបានហោះចូលទៅក្នុងខ្យល់ "។ ក្រុមអាល់កៃដា the Arabian Peninsula (AQAP) បានអះអាងចេញមុខទទួលខុសត្រូវ ចំពោះការវាយប្រហារបំផ្ទុះគ្រាប់បែកអត្តឃាតទាំងនេះ។ អ្នកនាំពាក្យនៃក្រុម AQAP នេះ បានប្រាប់ Xinhua តាមទូរស័ព្ទពីដំបូងកាលពីថ្ងៃសុក្រថា ពួកគេបានបើកដំណើរការ វាយប្រហារដ៏ធំទូលាយ ខ្នាតពីរ ដោយប្រើគ្រាប់បែកក្នុងរថយន្ត និងការវាយប្រហារនៅមូលដ្ឋានកងទ័ព និងស្ថានីយប៉ូលិសដែលបានសម្លាប់មនុស្សជាង៥០នាក់ជាពួកទាហាន និងកងសន្តិសុខជាច្រើនទៀត៕
0 comments:
Post a Comment