កញ្ញា គង់ ចាន់ស្រីមុំ បានសរសេរនៅ Wall នៃបណ្ដាញសង្គមរបស់ខ្លួនថា ចំណងស្នេហ៍រវាងកញ្ញា និងបុរសសង្ហារ លោក គឹម សីហា បានឈានមកដល់ផ្លូវបំបែកហើយ កាលពីពេលថ្មីនេះ។
កាលពីយប់មិញនេះ ស្រីមុំ បានសរសេរនៅ Wall របស់នាងដែលមានន័យថា ” ផុតម៉ោង១២យប់នេះ ខ្ញុំនៅម្នាក់ឯងហើយ” ។ គេមិនទាន់បានដឹងថា ហេតុអ្វីបានជាចំណងស្នេហ៍ច្រើនឆ្នាំយ៉ាងនេះទៅហើយនោះ ឈានដល់ចំណុចដាច់ដោចដូច្នេះទេ ថែមទាំងបានសាងអនុស្សាវរីយជាមួយគ្នាស្ទើររាប់មិនអស់ទៀតផង។
មុននេះបន្តិច បណ្ដាញសារព័ត៌មាននានា ក៏បានចុះផ្សាយពីភាពរង្គោះរង្គើនៃគូស្នេហ៍មួយគូនេះខ្លះដែរ ខណៈមានការលើកឡើងថា ស្រីមុំ ជាអ្នកសុំបែកមុន ដោយបានដើរហើរជាមួយបុរសផ្សេងជាញឹកញាប់ទៀតផង។ ប៉ុន្តែព័ត៌មាននេះក៏បានស្ងប់ស្ងាត់ទៅវិញ ដោយកាលនោះមានការបកស្រាយពីភាគីលោក គឹម សីហា ដោយអះអាងថា គ្មានរឿងដូច្នោះទេ និងស្នើសុំឲ្យឆ្លងកាត់ពូកគេសិនមុននឹងធ្វើការចុះផ្សាយ។
ប៉ុន្តែលើកនេះ ស្រីស្អាតខាងលើបានឆ្លើយតបយ៉ាងច្រើនទៅកាន់អ្នកគាំទ្ររបស់ខ្លួនពាក់ព័ន្ធទៅនឹងការដាច់ដោចរបស់អ្នកទាំងពីរ ដោយបង្ហាញពីជំហរផ្ទាល់ខ្លួនចំពោះរឿងនេះ។ ស្រីមុំ បានបញ្ជាក់ថា” Comment ទាំងអស់ជាការពិត មិនមែនលេងសើចទេ”។ អ្នកទាំងពីរបានឈានដល់ផ្លូវបំបែកប្រាកដមែន ហើយនាងសប្បាយចិត្តក្នុងការរស់នៅតែម្នាក់ឯង។
អាន៖ គេសង្ស័យ គង់ ចាន់ស្រីមុំ ទាស់គ្នាជាមួយសង្សារ
ក្រឡេកមកមើលអ្នកគាំទ្រវិញ បានសម្ដែងការសោកស្ដាយចំពោះ រឿងរ៉ាវដែលបានកើតឡើងចំពោះនាង គង់ ចាន់ស្រីមុំ និងគូស្នេហ៍ ហើយស្នើឲ្យមានការនិយាយគ្នាឡើងវិញ ដើម្បីដោះស្រាយបញ្ហាកើតឡើង។ ប៉ុន្តែ ភាគីខាងស្រីបានបង្ហាញជំហរថា មិនអាចដោះស្រាយបាននោះទេ។
អាន៖ គង់ ចាន់ស្រីមុំ បញ្ចេញរូបភាពផ្អែមល្ហែមជាមួយគូស្នេហ៍ពីសិង្ហបុរី
កិច្ចសន្ទនារវាងស្រីមុំ និងFans។ រូបថត៖ Facebook គង់ចាន់ស្រីមុំ
ចំណងស្នេហ៍រវាងកញ្ញា គង់ ចាន់ស្រីមុំ និងបុរសសង្ហា គឹម សីហា បានកើតឡើងប៉ុន្មានឆ្នាំមកហើយ ។ ក្រៅពីការសាងអនុស្សាវរីយ៍ជាមួយគ្នាស្ទើររាប់មិនអស់ទៅហើយនោះ គូស្នេហ៍ចាក់ទឹកមិនលិចមួយគូនេះក៏បានបណ្ដាក់ទុនរកស៊ីជាមួយគ្នាទៀតផង៕
អត្ថបទ៖ សំ ជំនាញ
0 comments:
Post a Comment