ឆ្នាំនេះគឺជាខួបគម្រប់១០ឆ្នាំនៃខ្សែភាពយន្តភាគល្បីល្បាញទូទាំងពិភពលោករបស់កូរ៉េខាងត្បូងគឺរឿង “ដេចាំងគីម”។ សម្រាប់គ្រប់ខួប ១០ឆ្នាំនេះ តួឯកស្រីរឿងនេះគឺ លីយ៉ុងអេ (Lee Young Ae) ព្រមទទួលស្គាល់ថា នាងបានប្រើប្រាស់តួជំនួស (Stuntwoman) ក្នុងឈុតធ្វើម្ហូបអាហារ។
អាន៖ តារាចម្រៀង-សម្ដែងប្រុសកូរ៉េ ១៤រូបទទួលបានរហស្សនាម “ស្រស់ស្អាតជាងបុប្ផា”
រំលឹកឡើងវិញភាពយន្តភាគបុរាណកូរ៉េរឿងនេះ ត្រូវបានយកទៅចាក់បញ្ចាំងចំនួន ៩០ប្រទេស ហើយបានក្លាយជារឿងលំដាប់ជួរមុខកូរ៉េដែលមានចំនួនមនុស្សពេញនិយមទស្សនាច្រើនលើសលុបនាពេលនោះ។
ដើម្បីអបអរខួប ១០ឆ្នាំ តារាសម្ដែងវ័យ ៤២ឆ្នាំមុខស្រស់រូបនេះ បានផ្ដល់បទសម្ភាសន៍ថា នាងមានកិត្តិយសខ្លាំងណាស់ ប៉ុន្តែនាងក៏និយាយដែរថា ទោះជារងាខ្លាំងក្ដីតែនាងនៅតែសប្បាយចិត្តដែរ ព្រោះនាងបានទៅថតនៅតំបន់ជាច្រើនក្នុងប្រទេស មិនតែប៉ុណ្ណោះ ប្រជាជនភាគច្រើនតែងតែស្វាគមន៍នៅរាល់កន្លែងដែលនាងបានទៅថតហើយនេះ គឺជាអនុស្សាវរីយ៍ដែលនាងមិនអាចបំភ្លេចបាន។
នៅពេលសួរដល់ចំណុចធ្វើម្ហូប អ្នកម្ដាយកូនពីររូបនេះទទួលស្គាល់ថា នាងបានប្រើប្រាស់តួជំនួសក្នុងឈុតឆាកធ្វើម្ហូបព្រោះនាងធ្លាប់រងគ្រោះថ្នាក់ដោយសារការថតឈុតឆាកនេះ។
ដោយសារតែបានសម្ដែងជាតួអង្គ ដេចាំងគីម ធ្វើឲ្យ លីយ៉ុងអេ មានឱកាសបានជួបស្ត្រីល្បីល្បាញទូទាំងពិភពលោកខាងទាមទារលទ្ធិប្រជាធិបតេយ្យរបស់ប្រទេសមីយ៉ាន់ម៉ា គឺលោកស្រីអង់សានស៊ូជី នៅពេលដែលលោកស្រីទៅធ្វើទស្សនកិច្ចនៅប្រទេសកូរ៉េ។
លីយ៉ុងអេ និងគ្រួសារ
កូនទាំងពីររបស់លីយ៉ុងអេ
ថ្មីៗនេះ លីយ៉ុងអេ ទទួលបានកិត្តិយសដោយត្រូវជ្រើសតាំងជាឯកអគ្គរដ្ឋទូតសន្តិភាពដើម្បីអភិរក្សបរិស្ថាន និងកសាងសន្តិភាពក្នុងតំបន់គ្មានទាហានរវាងទាំងកូរ៉េខាងជើង និងខាងត្បូង។ មិនតែប៉ុណ្ណោះ នាងក៏ទើបតែបានចូលរួមក្នុងកម្មវិធីធ្វើម្ហូបមួយដែលត្រៀមនឹងចាក់បញ្ចាំងក្នុងខែមករាឆ្នាំមុខនេះផងដែរ៕
ប្រែសម្រួល ៖ សុខា នីកា
ប្រភព ៖ Kdramachoa
0 comments:
Post a Comment