ចំណង់ស្នេហ៍ Kristen និង Robert អាចដូចដើមទេ?
ថ្មីៗនេះរឿងវិលរកភាពដើមនៃចំណង់ស្នេហ៍របស់នាង Kristen Stewart និង Robert Pattinson បានក្លាយជាប្រធានបទក្ដៅគគុកក្នុងពិភពជីវិតតារា Hollywood។ តើស្នេហារបស់ពួកគេអាចវិលរកភាពដើមវិញដែរឬទេ?
ប្រភពមួយរូបបានឱ្យដឹងថា បន្ទាប់ពីគម្រោងដំណើរកម្សាន្តជាមួយ Robert ក្នុងថ្ងៃបុណ្យណូអែលបរាជ័យ នាង Kristen Stewart គ្រោងចំណាយពេលជាមួយគ្នាសារជាថ្មីក្នុងឱកាសឆ្នាំថ្មីស្អែកនេះ លើកោះ Isle of Wight ប្រទេសអង់គ្លេស។
រឿង Fast & Furious 7 មិនបញ្ជាំងនៅឆ្នាំក្រោយទេ
មិត្តភ័ក្ដិតារាស្រីវ័យ ២៣ឆ្នាំរូបនេះប្រាប់គេហទំព័រ HollywoodLife ថា” Kristen បានសម្រេចចិត្តមិនចំណាយពេលក្នុងថ្ងៃ Christmas ក្នុងទីក្រុងឡុងដុងនឹង Robទេ ទោះបីមានការអញ្ជើញពីរូបគាត់ក៏ដោយ ព្រោះនាងដឹងថាក្រុមគ្រួសារ Rob មិនសូវស្វាគមន៍។ វាជាការសម្រេចចិត្តដ៏ពិបាកបំផុតសម្រាប់ Kristen ប៉ុន្តែយើងគិតថានាងធ្វើត្រូវ”។
ទោះបីជាយ៉ាងណា តួឯកស្រីក្នុងរឿង “Twillight” រូបនេះ បានជ្រើសរើសកន្លែងល្អមួយសម្រាប់ខ្លួននិង Rob ក្នុងឆ្នាំថ្មីស្អែកនេះ គឺនៅលើកោះ Isle of Wight អតីតកន្លែងដែលពួកគេធ្លាប់ទៅលេងកាលពីផ្អែមល្ហែមនឹងគ្នា។
ឆ្នាំ២០១៣ តារាហុងកុងរូបណារកប្រាក់បានច្រើនជាងគេ
“នាង(Kristen )ពិតជាចង់ទៅកោះ Isle of Wight ជាមួយ Rob ណាស់ ហើយវាជាឱកាសសម្រាប់ពួកគេរីករាយឆ្នាំថ្មី ២០១៤ ដូចអ្វីដែលពួកគេមានកាលពីអតីត។ ហើយការដើរលេងក្នុងរង្គសាល ផឹក Beer សើចសប្បាយ ស្ដាប់តន្រ្តីជាមួយប្រុសស្នេហ៍ គឺជាអ្វីដែលនាងចង់បាន”។ ប្រភពដដែលបានបញ្ជាក់យ៉ាងដូច្នេះ។
តារាទទួលភាពល្បីល្បាញខ្លាំងក្នុង “Twillight” ពីរដួងខាងលើ បានរងរឿងអាស្រូវជាច្រើន ក្រោយពួកគេចែកផ្លូវគ្នាដើរកន្លងមក ហើយមានសារព័ត៍មានខ្លះចុះផ្សាយថា ពួកគេនឹងមិនអាចត្រូវគ្នាវិញទេ ខ្លះទៀតថានឹងត្រូវគ្នាវិញ។ មកដល់ពេលនេះ គេគ្រប់គ្នាដឹងថា អ្នកទាំងពីរពិតជាចង់ត្រូវរ៉ូវគ្នាណាស់ ចំណែករឿងទៅមុខទៀតយ់ាងណានោះ សូមរងចាំទស្សនាលើគេហទំព័រ nob70 ទាំងអស់គ្នានាពេលបន្តទៀត៕
ដោយ nob70
ប្រភព៖ hollywoodlife
0 comments:
Post a Comment