ស្ត្រីបង្កើតកូនភ្លោះកន្លះឡូ
ធ្លាប់បានចុះផ្សាយរួចមកហើយនូវព័ត៌មានដែលស្ត្រីកើតបានកូនភ្លោះ៤នាក់ ដែលមានថ្ងៃខែកំណើតដូចគ្នា ខុសតែឆ្នាំប៉ុណ្ណោះ។ ចំណែកថ្ងៃនេះ មានព័ត៌មានទាក់ទងនឹងកូនភ្លោះដូចគ្នា តែជាកូនភ្លោះដល់ទៅ៦នាក់ឯណោះ។
តាមប្រភពព័ត៌មាន dailymai បានឲ្យដឹងថាស្ត្រីជនជាតិប៉ាគីស្ថានម្នាក់ពេលទៅឲ្យគ្រូពេទ្យពិនិត្យពោះមុនថ្ងៃសម្រាល ក៏ស្រាប់តែឈឺពោះកើតកូននៅពេលនោះតែម្ដង។ ស្ត្រីជាម្ដាយខាងលើកើតបានកូនស្រី៤នាក់ និងប្រុស២នាក់ក្នុងគ្លីនិកឯកជនមួយនៅខេត្តKhyber Pakhtunkhwa ប្រទេសប៉ាគីស្ថាន។
តាមសម្ដីរបស់គ្រូពេទ្យបានឲ្យដឹងថា ទាំងម្ដាយនិងកូនទាំង៦នាក់មានសុខភាពល្អ មិនគួរឲ្យបារម្ភឡើយ។ ទោះជាយ៉ាងណា ស្ត្រីជាម្ដាយនិងកូនៗត្រូវទៅពិនិត្យនិងថែទាំនៅមន្ទីរពេទ្យទាហានដើម្បីតាមដានស្ថានភាពសុខភាពជាបន្ត។ គួររំលឹកថា កាលពីដើមខែនេះ ក៏មានស្ត្រីមួយរូបទៀត ដែលកើតបានកូនភ្លោះចំនួន៤នាក់ នៅប្រទេសឥណ្ឌាផងដែរ។
ដោយ nob70
ប្រភពពី៖ www.nob70.com
0 comments:
Post a Comment