ប្រវត្តិសស្រ្តរបស់ U23 កម្ពុជា ដែលលេងបានស្មើជាមួយ U23 ថៃ
ក្រុមជំរើសជាតិ U23 កម្ពុជាពិតជាធ្វើឲ្យប្រវត្តិសាស្រ្តរបស់ខ្លួនប្រែប្រួល ព្រោះអាចលេងបានស្មើជាមួយក្រុមជំរើសជាតិអាយុក្រោម២៣ឆ្នំារបស់ថៃ ដែលកម្ពុជាមិនដែលឈ្នះសោះ។
ការប្រកួត៣ប្រកួតកន្លងមក កម្ពុជាមិនដែលឈ្នះរឺស្មើសូម្បីតែម្តង ដោយលើកទី១ ចាញ់ក្រុមម្ចាស់ផ្តះ ៣ទល់០ លើកទីពីរ ចាញ់ឥណ្ឌូនេស៊ី ដោយលទ្ធផល១ទល់និង០ និងលើកទី៣ចាញ់ក្រុមដែលគេដឹងថា ខ្សោយជាងគេបំផុតនៅតំបន់អាស៊ីអាគ្នេយ៌ គឺទីម័រខាងកើត ដោយលទ្ធល ៣ទល់និង២។ ការចាញ់នេះ បានធ្វើឲ្យប្រិយមិត្ត និងអ្នកនិយមបាល់ទាត់បានស្តីបន្ទោស និងមិនពេញចិត្តចំពោះលទ្ធផលនេះឡើយ ហើយថា កម្ពុជាអាចនឹងលក់គ្រាប់បាល់ទៀតផងនេះបើតាមពាក្យចចាមអារាម ក្រោយពេលឃើញកម្ពុជាលេងជាមួយប្រទេសទីម័រខាងកើត ដែលមានឧិកាសឈ្នះតែបែជាមិនឈ្នះទៅវិញ។
ដោយឡែកការប្រកួតជាមួយថៃកាលពីម៉ោង ៤រសៀល ថ្ងៃទី១៦ ធ្នូ ២០១៣ នេះ គេមិនរំពឹងថា កម្ពុជានឹងអាចយកឈ្នះនោះទេ តែទីបំផុតកម្ពុជាអាចលេងបានស្មើជាមួយថៃ ចាត់ទុកថាបានធ្វើឲ្យប្រវត្តិសាស្រ្តបាល់ទាត់អាយុក្រោម២៣ឆ្នាំរបស់ខ្លួនកែប្រែ តែយ៉ាងណាកម្ពុជានៅតែធ្លាក់ចេញពីការប្រកួត ហើយបានត្រឹមតែមួយពិន្ទុប៉ុណ្ណោះក្នុងព្រឹត្តិការណ៌ស៊ីហ្គេមលើកទី២៧នេះ។
សរុបគ្រាប់បាល់ដែលកម្ពុជាបានបាត់បង់គឺចំនួន ៧គ្រាប់ និងអាចរកបានវិញតែ២គ្រាប់ប៉ុណ្ណោះ ក្នុងការប្រកួតជាមួយទីម័រខាងកើត ដែលគេឯងដឹងថា មិនគួរចាញ់។
ចុះចំនែកប្រិយមិត្តវិញ យល់យ៉ាងណាដែរ?
ប្រភពពី៖ www.neavea.com
0 comments:
Post a Comment