សារដែលក្រុមហ៊ុនផ្ញើជូនបណ្ដាអ្នកប្រើប្រាស់របស់ខ្លួនព្រឹកថ្ងៃទី ៤ ធ្នូ ២០១៣ នេះថា ខ្លួននឹងបញ្ឈប់សេវាកម្មCall Bonusរបស់ខ្លួនចាប់ពីថ្ងៃនេះតទៅតែម្ដង។ សាររន្ធត់សម្រាប់អ្នកប្រើប្រាស់រាប់លាននាក់ជាពិសេសស្រទាប់មិត្តយុវវ័យ ដែលតែងតែជ្រើសរើសប្រព័ន្ធនេះជាមធ្យោបាយក្នុងការទាក់ទង ដោយចំណាយតិចទាំងការនិយាយ ផ្ញើសារ ឬលេងអ៊ីនធឺណិត។
យ៉ាងណាមិញការសម្រេចចិត្តបែបនេះ ក្នុងសារអេឡិចត្រូនិកដដែល ដែលក្រុមហ៊ុន (Smart) ជម្រាបជូនអតិថិជនរបស់ខ្លួនតាំងពីព្រហាមបានសរសេរទៀតថា យោងទៅតាមប្រកាសលេខ ២៣២ របស់ក្រសួងពីរជាអ្នកកំណត់។
ការកំណត់របស់Smart តាំងពីទទួលបានប្រកាស ២៣២ កាលពីខែ មេសា ២០១៣
ប្រកាស ២៣២របស់អន្តរក្រសួង រវាងក្រសួងប្រៃសណីយ៍ទូរគមនាគមន៍កម្ពុជា និងក្រសួងសេដ្ឋកិច្ច និងហិរញ្ញវត្ថុ មិនបានសំដៅទៅលើក្រុមហ៊ុនទូរសព្ទចល័តណាជាក់លាក់ទេ ប៉ុន្តែជាការសម្រេចជារួមតម្រូវឲ្យក្រុមហ៊ុនទូរសព្ធចល័តទាំងអស់ បញ្ចប់ការយកតម្លៃ និងការឃោសនាពាណិជ្ជកម្មទាបហួសកំណត់។ ដូច្នេះការផ្ដល់សេវាកម្មនិយាយដោយមិនគិតថ្លៃ ( Call Bonus) លែងមានតទៅទៀតហើយ។
គួរបញ្ជាក់ថា ប្រកាស ២៣២ មិនមែនជាសេចក្ដីប្រកាសថ្មីរវាងក្រសួងទទួលបន្ទុកពីរមាន ក្រសួងប្រៃសណីយ៍ទូរគមនាគមន៍កម្ពុជា និងក្រសួងសេដ្ឋកិច្ច និងហិរញ្ញវត្ថុ ប៉ុន្តែជាការកំណត់តាំងពីចុងខែ មេសា ឆ្នាំ ២០១៣នេះមកម៉្លេះ។
0 comments:
Post a Comment