ថ្មីៗនេះតារាចម្រៀងប៉ុបតៃវ៉ាន់ក្នុងក្រុម S.H.E គឺនាង Hebe Tien បានរងការចោទប្រកាន់ថា ជាមនុស្សនិយមភេទដូចគ្នា។ ឆ្លើយតបនឹងការចោទប្រកាន់ខាងលើស្រីស្អាតវ័យ ៣០ ឆ្នាំ រូបនេះ បានច្រានចោលរឿងអាស្រូវខាងលើដោយអះអាងថា នាងមិនដូច្នោះទេ។
ស្រីស្អាតរូបនេះបន្តថា នាងមិនខ្វល់នឹងពាក្យចចាមអារ៉ាមអីទាំងអស់ ហើយនាងនឹងនៅតែទាក់ទងជាមួយមនុស្សគ្រប់គ្នាមិនថា ស្រី ឬប្រុសនោះទេឲ្យតែមានទំនាក់ទំនងល្អជាមួយនាង។ ទោះបីជាលើកឡើងបែបនេះ ប៉ុន្តែHebe Tien សង្កត់ធ្ងន់ថា នាងស្រលាញ់មនុស្សប្រុស មិនមែនស្រលាញ់ស្រីដូចការចោទប្រកាន់ទេ។
សូមអាន៖ អង្គរក្សរបស់សមាជិក S.H.E វ៉ៃអ្នកគាំទ្រ
បន្ថែមពីនេះ នាងបន្តថា មិនទាន់ចង់គិតគូររឿងប្ដីសីអីទេ បើទោះជាខ្លួនជាសមាជិកតែម្នាក់ដែលមិនទាន់រៀបការក្ដី។ នាងបញ្ជក់ដូច្នេះ៖ “រៀបការគ្មានន័យអីទេសម្រាប់ខ្ញុំ។ ខ្ញុំមិនគិតថា ការរៀបការជាចំណុចបញ្ចប់នៃសម្ពន្ធភាពដ៏រ៉ូមែនទិកនោះទេ”។ ទោះជាយ៉ាងណា នាងសារភាពថា នាងនៅតែចង់ក្លាយខ្លួនជាម្ដាយគេនៅថ្ងៃណាមួយ។
Hebe Tien គ្រោងនឹងចេញលក់អាល់ប៊ុមថ្មីរបស់នាងមានចំណងជើងថា “Insignificance” នៅពេលឆាប់ៗខាងមុខនេះហើយ៕
0 comments:
Post a Comment