តារាចម្រៀងតារាសម្ដែងកូនកាត់ថៃ-អង់គ្លេសដែលបានប្រឡូកចូលក្នុងវិស័យសិល្បៈថៃយូរមកហើយនៅតែទទួលបានការពេញនិយមគាំទ្រពីសំណាក់ប្រជាជនថៃ បើទោះជានាងមានវ័យរាងជ្រេបន្តិចហើយក្ដី។ តើប្រិយមិត្តធ្លាប់ចាប់អារម្មណ៍ទេថា Katreeya មិនត្រឹមតែធ្លាប់មកសម្ដែងតន្ត្រីរាំច្រៀងនៅប្រទេសកម្ពុជាយើងនោះទេ នាងថែមទាំងបានមកសម្ដែងរឿងលើទឹកដីខ្មែរយើងថែមទៀតផង។
Katreeya ជាតារាស្រីដែលទទួលបានការគាំទ្រខ្លាំងពីជំនាន់មុន ឬនិយាយរួមកាលពីពេលដែលស្ថានីយទូរទស្សន៍ខ្មែរចាក់បញ្ចាំងរឿងភាគថៃ។ រឿងភាគដែលធ្វើឲ្យទស្សនិកជនទាំងខ្មែរ និងថៃស្គាល់និងគាំទ្រនាងច្រើនគឺរឿង “សំណកបេះដូង” សម្ដែងជាមួយតារាសម្ដែងស៊ុមឆាយ ខេមក្លាត់។
អាន៖ ឃើញសើចអីចឹងតែ ខាត់ទ្រីយ៉ា ថាមកកម្ពុជាលើកនេះ នាងមានរឿងអត់សប្បាយចិត្ត
Katreeya កាលមកសម្ដែងនៅកម្ពុជាថ្មីៗនេះ
រឿងមួយទៀតដែលល្បីល្បាញមិនចាញ់គ្នាគឺរឿង “នាងបាប” សម្ដែងរួមជាមួយតារាលំដាប់កំពូលប្រទេសថៃ យូរ៉ាក់ណាន់ ផាក់មន្ទ្រី បច្ចុប្បន្ននេះបានឈប់សម្ដែងហើយងាកទៅលេងនយោបាយ ហើយក៏ជាសមាជិកបក្ស “ផឿថៃ” របស់នាយករដ្ឋមន្ត្រី យីងឡាក់ ស៊ីណាវ៉ាត្រាផងដែរ។
កាលពីឆ្នាំ២០១១កន្លងទៅ Katreeya English បានរួមសម្ដែងក្នុងភាពយន្តរឿង ”កែវភ្នែកឋានសួគ៌” ដែលជារឿងទទួលបានការគាំទ្រខ្លាំងមួយដែរ។ ហើយកាលពីឆ្នាំ២០១២វិញនាងក៏បានវិលមកសម្ដែងក្នុងរឿងភាគទូរទស្សន៍មួយទៀតដែរមានចំណងជើងថា “កូនភ្លោះ” ដែលជារឿងបានទទួលការគាំទ្រច្រើនព្រោះក្នុងរឿងនេះ Katreeya សម្ដែងជាតួអង្គស្រីផង និងសម្ដែងជាតួអង្គប្រុសតុបតែងខ្លួនជាស្រីផង។
បើទោះជា Katreeya មិនសូវលេចមុខក្នុងវិស័យសម្ដែងគឺមួយឆ្នាំនាងសម្ដែងតែរឿងមួយក្ដីតែប្រជាប្រិយភាពនាងនៅតែខ្លាំងហើយចំនួនអ្នកគាំទ្រក៏នៅតែមានចំនួនច្រើនមិនចាញ់តារាជំនាន់ក្រោយទេ។
អាន៖ ជីវប្រវត្តិ៖ សង្ខេបព័ត៌មានទាំងអស់ជុំវិញការបាត់បង់Paul Walker
ឈុតដែល Katreeya សម្ដែងក្នុងរឿង “ខេមរិន្ទ អ៊ីនធិរ៉ា”
រំលឹកដល់ការមកសម្ដែងនៅប្រទេសខ្មែរ Katreeya មិនត្រឹមតែមកសម្ដែងតន្ត្រីប៉ុណ្ណោះទេប៉ុន្តែនាងថែមទាំងបានសម្ដែងរឿងភាគលើទឹកដីអង្គរនិងទីក្រុងភ្នំពេញយើងផងដែរ។ រឿងភាគថៃ”ខេមរិន្ទ អ៊ីនធិរ៉ា” (เขมรินทร์อินทิรา ) ដែលសម្ដែងដោយខេតទ្រីយ៉ាជាមួយនឹង សារ៉ាន់យូ គឺជារឿងរ៉ាវស្នេហារវាងនារីរាស្ត្រសាមញ្ញជនជាតិថៃជាមួយនឹងព្រះរាជបុត្រខេមរិន្ទជាម្ចាស់ក្មួយរបស់ព្រះមហាក្សត្រកម្ពុជា។
រឿងសង្ខេបនៃរឿង “ខេមរិន្ទអ៊ីនធិរ៉ា”
អ៊ីនធិរ៉ា ឬអ៊ីតព្រោះតែចង់គេចពីការចាប់គូបានធ្វើដំណើរទៅកាន់ទីក្រុងភ្នំពេញដើម្បីធ្វើជាគ្រូបង្រៀនភាសាថៃ។ នៅទីក្រុងភ្នំពេញនាងបានជួបបុរសក្នុងសុបិនដែលនាងលួចស្រលាញ់ក្នុងពេលដែលនាងបានជួបលើប្រាសាទព្រះវិហារម្ដងទៀត។ប៉ុន្តែអ៊ីតត្រូវជួបនឹងរឿងទុក្ខសោកម្ដងទៀតនៅពេលដឹងថាបុរសក្នុងក្ដីសុបិនមានឋានៈជាព្រះរាជបុត្រ និងជាព្រះអនត្តារបស់ក្សត្រខ្មែរ….។
វីដេអូខ្លះពីរឿង “ខេមរិន្ទអ៊ីនធិរ៉ា”៖
ចុះប្រិយមិត្តទាំងអស់គ្នាវិញមានប្រិយមិត្តបានដឹងទេថានាងធ្លាប់មកសម្ដែងលើទឹកដីកម្ពុជាយើងខ្លះ?
0 comments:
Post a Comment