ថ្មីៗនេះ មានគេហទំព័រអន្តរជាតិមួយបានប្រកាសបង្កើតមូលនិធិរៃប្រាក់ពីអ្នកប្រើ iDevice ដែលទន្ទឹងចាំ jailbreak យ៉ាងអន្ទះសា ផ្ដល់ជូនអ្នកដែលអាចបំបែកកូដប្រព័ន្ធប្រតិបត្តិការទូរសព្ទជំនាន់ចុងក្រោយនេះទុកជាការលើកទឹកចិត្ត ម្យ៉ាងដើម្បីពន្លឿនឱ្យឆាប់ jailbreak បាន។
អត្ថបទ៖ ផ្អើលអស់អ្នកលេង Twitter ពីរឿង iOS 7.1 beta Jailbreak បាន
ឥឡូវគេហទំព័រមានប្រាក់មូលនិធិចំនួន ២ពាន់ដុល្លារអាមេរិក។ គេហទំព័រនោះឈ្មោះ IsiOS7JailbrokenYet ដែលកន្លងទៅធ្លាប់ជូនប្រាក់ដល់ក្រុម hacker ជាច្រើន ឬក្រុមណាដែលអាចបង្ហាញពីរបៀប jailbreak ពេញលេញបាន។
មកដល់ពេលនេះនៅតែមានសំណួរចោទឡើងតៗគ្នាជុំវិញ jailbreak iOS 7 ថាបានឬនៅ? តើពេលណាទើប jailbreak បាន? Jailbreak ចាំបាត់ៗរហូតអ្នកខ្លះអស់ជំនឿនឹងការ jailbreak បាន ឬបានដែរតែត្រូវរង់ចាំយូរទៀត។ យ៉ាងណាក៏ដោយ គេហទំព័រ maypalo បានឱ្យដឹងថា ឥឡូវក្រុម hacker កំពុងស្រាវជ្រាវបំបែកកូដ iOS 7 តែពុំទាន់សម្រេច ១០០% នៅឡើយ។ ជាក់ស្ដែងគណនី Twitter ឈ្មោះ panetbeing បានបង្ហោះថា ពួកគេកំពុងព្យាយាមយ៉ាងសស្រាក់លើការ jailbreak ដែលអាចនឹងសម្រេចបានក្នុងពេលឆាប់ៗ (តែពុំប្រាកដកាលបរិច្ឆេទ)។
អត្ថបទ៖ បើ update ទៅ iOS 7.0.4 អាច jailbreak បានអត់?
តើនេះមានន័យថា យើងនឹងមិនអាច jailbreak បានឬ? ប្រាកដជាមិនពិតទេ ពោលគឺនៅតែបានគ្រាន់តែត្រូវពន្យារ។ នៅប៉ុន្មានសប្ដាហ៍ចុងក្រោយនេះ ព័ត៌មានទាក់ទិននឹងការ jailbreak iOS 7 ហាក់កក្រើកយ៉ាងខ្លាំង ក្នុងនោះច្រើនជាព័ត៌មានមិនច្បាស់ការ ដែលបានលើកឡើងថា អាច jailbreak បាន តែផ្ទុយពីការពិតនោះទេ ព្រោះនៅតែ jailbreak មិនពេញលេញ។
ជាការពិតណាស់ ធ្លាប់មានព័ត៌មានថា jailbreak iOS 7.0.4 ដាច់នៅលើទូរសព្ទម៉ូដែល iPhone 4 ដែលជាការអះអាងពី OpenSnow នៅលើបណ្ដាញសង្គម Twitter ហើយក៏មានវីដេអូបង្ហាញពីការ jailbreak iOS 7.0.2 នៅលើ iPhone 5 ដែរ។ យ៉ាងណាក៏ដោយ ការ jailbreak ទាំងនោះ ពុំទាន់ទទួលជោគជ័យ ១០០% នៅឡើយ ព្រោះកម្មវិធី Cydia ដំណើរការមិនទាន់ស្រួលនៅឡើយដែលអ្នកខ្លះហៅថា jailbreak មិនទាន់ពេញលេញ ឬមិនទាន់ full។ មិន full មានន័យថានៅពេលអ្នក jailbreak រួច មិនត្រូវប្រើរហូតទាល់តែអស់ថ្មរលត់ទេ បើដូច្នោះ jailbreak នឹងខូច ពោលពុម្ពអក្សរខ្មែរ (Khmer font) ដែលដំឡើងពី Cydia រួមទាំងកម្មវិធី Cydia ផ្ទាល់នឹងខូច បើកលែងចេញ។
អត្ថបទ៖ វីដេអូ Jailbreak មួយធ្វើឲ្យប្រិយមិត្តជាច្រើនខកចិត្ត
បច្ចុប្បន្នក៏មានក្រុម hacker ជាច្រើនផ្សេងទៀតដែលកំពុងធ្វើការជុំវិញការ jailbreak iOS 7 ហើយ jailbreak tool ដែលទទួលបានការពេញនិយមបំផុតនោះគឺ Evasion ដែលដឹកនាំដោយក្រុម Evad3rs។ គេរំពឹងថា jailbreak iOS 7 បានជោគជ័យគឺត្រូវចាំដល់ដើមឆ្នាំ ២០១៤ ឯណោះ។ បើមានព័ត៌មានបន្ថែមជុំវិញការ jailbreakយើងខ្ញុំនឹងធ្វើការចុះផ្សាយភ្លាម។
កុំភ្លេចតាមដានព័ត៌មានពីការ jailbreak បន្ថែមទៀត ជាមួយយើងខ្ញុំ
អត្ថបទ៖ អស្ចារ្យណាស់! ស្នាដៃកូនខ្មែរបង្កើតភាសាខ្មែរលើ iOS 7 ប្រើមិនបាច់ Jailbreak
0 comments:
Post a Comment