ការផ្លាស់ប្តូររបៀបរស់នៅដើម្បីព្យាបាលការលើសសម្ពាធឈាម
Breaking News
Loading...
Saturday, December 21, 2013
.jpg)
លើសសម្ពាធឈាមឬលើសឈាមជាជំងឺដ៏មានគ្រោះថ្នាក់ដោយសារតែវាអាចជាមូលហេតុនៃជំងឺដាច់សរសៃឈាមខួរក្បាល គាំងបេះដូង ជំងឺបេះដូង ឬជំងឺតម្រងនោម។ គោលដៅនៃការព្យាបាលជំងឺលើសសម្ពាធឈាមគឺដើម្បីបន្ថយសម្ពាធឈាម និងការការពារសរីរាង្គដែលសំខាន់ៗដូចជាខួរក្បាល បេះដូង និងតម្រងនោមពីការខូចខាត។ ការព្យាបាលជំងឺលើសឈាមត្រូវបានផ្សារភ្ជាប់ជាមួយនឹងការបន្ថយនូវហានិភ័យនៃជំងឺដាច់សរសៃឈាមខួរក្បាល ( បន្ថយជាមធ្យមពី៣៥% -៤០% ) គាំងបេះដូង (២០ % -២៥ %) និងខ្សោយបេះដូង(ច្រើនជាង៥០% )នេះបើយោងតាម ការស្រាវជ្រាវ ។
ផ្លាស់ប្តូររបៀបរស់នៅដើម្បីព្យាបាលការលើសសម្ពាធឈាម
ការអនុវត្តជំហានដ៏សំខាន់មួយចំនួនក្នុងការការពារ និងព្យាបាលជំងឺលើសសម្ពាធឈាមគឺជា ការផ្លាស់ប្តូរបៀបរស់នៅអោយមានសុខភាពល្អ។ អ្នកអាចបន្ថយសម្ពាធឈាមរបស់អ្នកជាមួយនឹងការផ្លាស់ប្តូររបៀបរស់នៅដូចខាងក្រោម:
- បញ្ចុះទម្ងន់ប្រសិនបើអ្នកលើសទម្ងន់ ឬធាត់ជ្រុល
- ឈប់ជក់បារី
- បរិភោគអាហារដែលធ្វើអោយមានសុខភាពល្អរួមទាំងការបរិភោគផ្លែឈើ បន្លែរអោយបានច្រើន និងញុំាផលិតផលទឹកដោះគោ ជាតិខ្លាញ់អោយបានតិច។
- ការកាត់បន្ថយការញ៉ាំអាហារដែលប្រៃ ញុំាអំបិលអោយបានតិចជាង១៥០០មីលីក្រាម ក្នុងមួយថ្ងៃប្រសិនបើអ្នកមានសម្ពាធឈាមខ្ពស់។ មនុស្សពេញវ័យដែលមានសុខភាពល្អត្រូវកំណត់ការទទួលទាន ជាតិសូដ្យូម(អំបិល)មិនអោយច្រើនលើសពី២៣០០មីលីក្រាមក្នុងមួយថ្ងៃ (ប្រហែល១ស្លាបព្រាកាហ្វេ) ។
- ធ្វើលំហាត់ប្រាណអោយបានទៀងទាត់(ដូចជាដើរយ៉ាងហោចណាស់៣០នាទីក្នុងមួយថ្ងៃ និងច្រើនថ្ងៃក្នុងមួយសប្ដាហ៍) ។
- កំណត់ការញ៉ាំគ្រឿងស្រវឹងត្រឹមពីរកំប៉ុងក្នុងមួយថ្ងៃចំពោះបុរស មួយកំប៉ុងក្នុងមួយថ្ងៃសម្រាប់ស្ត្រី។
- បន្ថែមពីលើការបញ្ចុះសម្ពាធឈាម វិធីនេះអាចបង្កើននូវប្រសិទ្ធិភាពនៃថ្នាំក្នុងការបញ្ចុះសម្ពាធឈាមបានយ៉ាងល្អប្រសើរ៕
Subscribe to:
Post Comments (Atom)
0 comments:
Post a Comment